ရခိုင်ပြည်တစ်ဝှမ်း အလွန်ထင်ရှာသော ကျင်သန်ကြီး ဦးမောင်နီ

                                                        ကျင်သန်ကြီးချင်းစားမောင်နီ

အဖိုးပြည်ကျင်သန် ဦးမောင်နီ
================

ပေါက်တောမြို့နယ်တောင်ညိုရွာမှာနီထိုင်ရေ ရခိုင့်ပြည်ကျင်သန်ကြီး အဖိုးဦးမောင်နီကိုသတင်း လားမီးဖြစ်ခရေ .....

လွန်ခရေ ဆယ်စုနှစ်နှစ်ခုစာလောက်ကရခိုင့်ကျင်လောကမှာ ``ပြည်ကျင်သန်ကြီးမောင်နီ´´ ` `ချင်းစားမောင်နီ´´လို့လူသိများပြိုင်စံရှားခရေ ကျင်သန်ကြီးပါ ....

ယင်းခါက ကျင်ပညာနန့်ပတ်သက်လို့ ခမိလူမျိုးကျင်သန်တစ်ချို့ခေါင်းထောင်လာခစွာကို
ယှဉ်ပြိုင်အနိုင်ယူခလို့ ``ချင်းစားမောင်နီ´´ လို့လူသိများခရေလို့ရွာသားတစ်ယောက်ကပြောပြလိုက်ပါရေ၊

မှတ်တမ်းဝင်ကျင်ဆုမောင်းပေါင်း (၉၉)လုံးပိုင်ဆိုင်ခပြီးကေအတိတ်ကာလ ရက္ခိတကျင်မျက်နှာစာမှာ
ရခိုင့်ရိုးရာကျင်ပညာကို အနှစ်သာရရှိရှိ၊အားမာန်ပါပါ၊စည်းစနစ်ကျကျ   အောင်နိုင်သူတစ်ယောက် အဖြစ်ကျင်းကွင်းနိန်ရေဟန်ပန်တိကို မြင်ဖူးရေလူတိုင်းချီးမွမ်းနိန်ကတ်တုန်း ...

အဂုအခါ
ရခိုင်ရိုးရာကျင်ပညာအတွက်အားမလိုအားမရဖြစ်နိန်ရေဝါကြီးတစ်ယောက်၊ဆင်းရဲမှုဒဏ် ၊ရောဂါဒဏ် တိနှိ်စက်လို့နဂိုနုပျိုစိုင်ကာလကဟိခရေ ရုပ်ရည်ခွန်အားချို့တဲ့ယုတ်လျော့နိန်ကေလေ့ေ တာင်ညိုရွာ စွန်တဲအိုချေမှာကျင်ခြင်းသီဆိုနိန်တုန်းဆိုစွာကိုရခိုင်သူ၊ရခိုင်သားတိသိကေ မြင်ကေကျွန်တော့နည်းတူ စိတ်မကောင်းဖြစ်ကေဖို့သေချာပါရေ ...

ကျွန်တော့စာကိုဖတ်နိန်ရေ အဝီး၊အပါးက ရခိုင်သူရခိုင်သားရို့ကို အဖော်ညှိပါရစီဖိ၊

အဖိုးဦးမောင်နီအတွက်လိုအပ်နိန်ရေ ဆီးဖိုးဝါးခ၊ဘ၀တစ်နေရာစာ ရပ်တည်ရှင်သန်ဖို့လိုအပ်ချက်ချေတိ၊
အထောက်အပံ့ချေတိကိုအားလုံးနားလည်စာနာရေစိတ်၊ရိုးရာကိုချီးမြှောက်ထောက်ပင့်လိုရေစိတ်တိနန့်
တတ်နိုင်ဖက်က ပါဝင်ဆက်သွယ်ကူညီထောက်ပံ့နိုင်ကတ်ဖို့ တိုက်တွန်းလိုက်ချင်ပါရေ။

ရခိုင်ပြည်ကြီးကျန်းမာပါစီ ...

(ဆက်လက်ဖြန့်ဝေနိုင်ပါရန်)

(လင်းမြတ်)
https://www.facebook.com/photo.php?fbid=1430756603825596&set=a.1390724704495453.1073741829.100006738097953&type=1&theater