ကုန်းဘောင်ခေတ်မတိုင်မီ ငွေအသပြာသုံးစွဲမှု ******************************************

ပုဂံခေတ်မှ၊ ကုန်ဘောင်ခေတ်အစောပိုင်း ဘိုးတော်ဗဒုံမင်း မတိုင်မီကာလ၌ ငွေကြေးသုံးစွဲ မှုစနစ်မှာ ရောင်းရေးဝယ်တာများတွင် ဒင်္ဂါးသုံးစွဲမှုရှိသည်ကိုမတွေ့ရဘဲ၊ ရွှေပြား၊ရွှေခဲ၊ ငွေပြား၊ငွေခဲ၊ကြေး ပြား၊ ခဲပြားများကို ကျပ်ချိန်အလိုက် ချိန်တွယ်ကာ “ငွေအသပြာဒင်္ဂါး” အဖြစ်သုံးစွဲခဲ့ကြဟန်ရှိသည်။ “ငွေအသပြာ” ဆိုသည်မှာ (ငွေ နှင့် အသပြာ) ဟူသော ဝေါဟာရနှစ်ခုကို ပေါင်းစပ်ခေါ်ဝေါ် ခြင်းဖြစ်သည်။ “ငွေ” မှာ အဖြူရောင်အဆင်းရှိသော ရှားပါးသတ္တုတစ်မျိုးဖြစ်ပြီး၊ “အသပြာ” ဆိုသည်မှာ ငွေပြားကဲ့သို့အရောင်ရှိပြီး၊ ၀ိုင်းဝန်းပြားချပ်သော ပင်လယ်ဂုံးတစ်မျိုးကိုခေါ်သော အမည်ဖြစ်သည်။ ထို့ကြောင့် ငွေအသပြာ ဟူသောစကားရပ်မှာ “အသပြာ” ကဲ့သို့ရှိသော ၀ိုင်းဝန်းပြားချပ်ပြီး၊ ငွေရောင်အဆင်းရှိသော ငွေပြား၊ငွေဒင်္ဂါးများကို ( ငွေ+အသပြာ=ငွေအသပြာဒင်္ဂါး)ဟု ခေါ်ဝေါ်ကြခြင်း ဖြစ်ပေသည်။ (ပုံ -၁ ,၂ ) အသပြာဂုံးများကို ပင်လယ်သို့ စီးဆင်းနေသော မြစ်ဝများ၌ ရေမြုတ် သဲကျွန်းနေရာများတွင် အကောင်ရေ သိန်းသန်းမက ယူမကုန်အောင် တွေ့ရတတ်သည်။ ငွေအသပြာနှင့်တူသော ငွေပြားများဟုဖြစ်နိုင်ခြေရှိသော အထောက်အထားတစ်ခုမှာ မကွေး တိုင်းဒေသကြီး၊မန္တလေးတိုင်းဒေသကြီး၊စစ်ကိုင်းတိုင်းဒေသကြီးတို့၌ ငွေအသပြာပြားများ တွေ့ရှိရသည်။ ရန်ဖန်ရံခါ မြေကြီးထဲမှ ကြေးအိုးဖြင့် အိုးလိုက်တွေ့ရှိကြသည်။ ထို့သို့ တွေ့ရှိကြသော ငွေအသပြာ ပြား များမှာ ကုန်းဘောင်ခေတ်မတိုင်မီက ကုန်ရောင်း၊ကုန်ဝယ်ရာ၌ ငွေကြေးအဖြစ်သုံးစွဲခဲ့ကြသော ငွေအသ ပြာများ ဖြစ်မည်ဟုယူဆရသည်။ ငွေအသပြာအဖြစ်အသုံးပြုခဲ့ကြဟန်ရှိသော ငွေအသပြာပြားများမှာ တစ်ဘက်၌ ၀ိုင်းစက်၍ ကြက်ခြေဖြင့် နင်းထားသကဲ့သို့ အမှတ်သင်္ကေတများပါရှိပြီး၊ အခြားတစ်ဘက်တွင် အလယ်၌ အနည်း ငယ် ချိုင့်ဝင်နေသောပုံစံ ဖြစ်ကြသည်။ ပင်လယ်ဂုံး တစ်မျိုးဖြစ်သော အသပြာမှာလည်း ၀ိုင်းစက်သော အနေအထားရှိပြီး အတွင်းဘက်၌ အနည်းငယ် ချိုင့်ဝင်နေကြသည်။ ယင်းငွေပြားများကို ရှေးဟောင်းဒင်္ဂါးလောကတွင် “ ကြက်ခြေရာဒင်္ဂါး၊ ကြက်နင်းပြားဒင်္ဂါး” ဟုခေါ်ကြသည်။ စာရေးသူ၏အမြင်မှာ ထိုငွေပြားမျာမှာ ငွေအသပြာ ဟုခေါ်သော ငွေပြားများဖြစ်မည် ဟု ယူဆရသည်။ ထိုအသပြာငွေပြားတို့၌ အရွယ်အစားကြီးသောငွေပြားများ၏ “အချင်းမှာ ၅၀ မှ ၅၅ မီလီမီတာ” ခန့်ရှိကြပြီး၊ အလေးချိန်မှာ “၉၀ ဂရမ်မှ ၁၀၀ ဂရမ်” အထိရှိတတ်ကြသည်။ အသေးဆုံး ငွေပြား၏ “အချင်းမှာ ၂၅ မီလီမီတာ” ခန့်ရှိကြပြီး “အလေးချိန်မှာ “၂၇ ဂရမ်” ၀န်းကျင်ရှိသည်။ (ပုံ-၃) ထိုသို့ ငွေပြားများ အရွယ်အစား အမျိုးမျိုး တွေ့ရှိရခြင်းမှာ ငွေကြေးအဖြစ် ကုန်ရောင်း ကုန် ၀ယ်ပြုရာ၌် လိုအပ်သလိုသုံးစွဲသော ပုဂံခေတ်မှ ကုန်းဘောင်ခေတ် ဘိုးတော်ဘုရား (ဗဒုံမင်း) မတိုင်မီ အထိ ကာလအတွင်း သုံးစွဲခဲ့သော ငွေအသပြာများဖြစမည်ဟု ယုံကြည်မိပါသည်။ နှစ်ပိုင်း ဖြတ်တောက်ထားသော ငွေအသပြာများ၊ လေးပိုင်းဖြတ်တောက်ထားသော ငွေအသပြာ အပိုင်းအစများလည်း ရှိကြသည်။ ငွေအပိုင်းအစများ၌လည်း ငွေအသပြာ အပြားကြီးများကဲ့သို့ ကြက်ခြေရာသင်္ကေတများ ပါရှိကြသည်မှာ “ငွေအသပြာ” ခေါ် ငွေပြားများမှ ပိုင်းဖြတ်ကာ တန်းဖိုးတစ် ခုသတ်မှတ်၍ သုံးစွဲခဲ့သော ငွေအသပြာ အပိုင်းအစများ ဖြစ်ကြောင်း ဖော်ပြနေသည်။ ကြေး အ၀ိုင်းပြားများမှာလည်း ငွေအသပြာ အ၀ိုင်းများကဲ့သို့ အရွယ်အစား အမျိုးမျိုး ရှိ ကြသော်လည်း ကြက်ခြေများဖြင့် နင်းထားသည့်ပုံစံမပါရှိကြပေ။ ကြေးတုံးအ၀ိုင်းပြားများမှာ ရှေ့ဘက်၌ မို့မောက်မောက် ပုံသဏ္ဌာန်ရှိကြပြီး၊ အခြားတစ်ဘက်တွင် ငွေအသပြာများကဲ့သို့ အလယ်၌အနည်းငယ် ချိုင့်ဝင်နေကြသည်။ အရွယ်အစားကြီးမားသော ကြေးပြား၏ အချင်းမှာ “၅၅ မီလီမီတာ” ခန့် ရှိကြပြီး၊ အလေး ချိန်မှာ “၁၀၀ ဂရမ်” ၀န်းကျင်ရှိကြသည်။ အငယ်ဆုံးကြေပြားများ၏ အချင်းမှာ “၂၀ - မီလီမီတာ” ခန့် ရှိကြပြီး၊ အလေးချိန်မှာ“၂၅ ဂရမ်”၀န်းကျင်ခန့်ရှိကြသည်။ ကြေးပြားများတွင်လည်း ငွေပြားများကဲ့သို့ အရွယ်အစား အမျိုးမျိုးရှိနေကြသည်။ ထို့ကြောင့် ဖော်ပြပါ ကြေးပြားများမှာ ကုန်းဘောင်ခေတ်မတိုင်မီ က ကုန်ရောင်းကုန်ဝယ်ကြရာ၌ လိုသလို သုံးစွဲနိုင်ရန် ငွေကြေးအဖြစ် သွန်းလောင်း သုံးစွဲခဲ့သော ကြေး ပြားများ ဖြစ်မည်ဟုယူဆရပါသည်။ (ပုံ-၄) ခဲအ၀ိုင်းပြားများမှာလည်း အထက်ကရေးသားဖော်ပြခဲ့သည့် ငွေပြား၊ ကြေးပြားအ၀ိုင်းများကဲ့ သို့ အရွယ်အစား အမျိုးမျိုးရှိကြပြီး၊ ရှေ့ဘက်တွင် မို့မောက်မောက် ရှိနေကြခြင်းမှာ ကြေးပြားအ၀ိုင်းနှင့် တူညီကြသည်။ ကျောဘက်တွင်လည်း ကြေးပြားဝိုင်းကဲ့သို့ အလယ်၌ချိုင့်ဝင်နေသောပုံစံများရှိကြသည်။ ခဲအ၀ိုင်းပြားများ၌ ကြက်ခြေများဖြင့် နင်းထားသကဲ့သို့ ပုံသဏ္ဌာန်များမပါရှိကြပေ။ အကြီးဆုံး ခဲပြား၏ “ အချင်းမှာ ၆၀ မီလီမီတာ” ခန့်ရှိပြီး၊“အလေးချိန်မှာ ၁၃၅ ဂရမ်” အထိရှိသည်။ အငယ်ဆုံးခဲပြား၏ “အချင်းမှာ ၃၅ မီလီမီတာ”ခန့်ရှိပြီး၊ “အလေးချိန်မှာ ၅၅ ဂရမ်” ခန့်ရှိကြသည်။ ခဲပြား ပုံစံများ၌လည်း အရွယ်အစားအမျိုးမျိုးရှိနေခြင်းမှာလည်း ထိုခဲပြားများသည် ငွေကြေးအဖြစ် ကုန်ရောင်းကုန်ဝယ်ရာတွင် လိုသလို သုံးစွဲနိုင်ရန် ပုံသွန်းလောင်းသုံးစွဲခဲ့သော ပစ္စည်းများ ဖြစ်ဟန်ရှိပေသည်။ ခဲအပိုင်းအစများမှာ “၁၅ မှ ၃၀ ဂ၇မ်”ထိ ရှိကြသည်။ ခဲအပိုင်းအစများမှာ ဖြတ်တောက် သုံးစွဲမှု ရှိခဲ့ကြောင်းဖော်ပြနေသည်။ (ပုံ- ၅) ပုဂံခေတ်မှ ကုန်းဘောင်ခေတ် အစောပိုင်းကာလအထိ၌ ဘိုးတော်ဗဒုံမင်းသည် အစောဆုံး ငွေဒင်္ဂါး၊ ကြေးဒင်္ဂါးများကို ခပ်နှိပ်သုံးစွဲခဲ့သော မင်းတပါးဖြစ်သည်။ သို့ဖြစ်၍ ဖော်ပြပါ (ပုံ- ၃၊ ၄၊ ၅ ) ငွေအသပြာပြား၊ ကြေးပြား၊ ခဲပြားအ၀ိုင်းများ နှင့် ငွေအ သပြာအပိုင်းအစများ၊ ခဲပြား အပိုင်းအစတို့မှာ ကုန်းဘောင်ခေတ် ဘိုးတော်ဗဒုံမင်းမတိုင်မီက အရောင်း အ၀ယ်စနစ်တွင် ငွေအသပြာအဖြစ်သုံးစွဲခဲ့သော ငွေကြေးဆိုင်ရာပစ္စည်းများဖြစ်မည်ဟု မှတ်ချက်ပြုလိုက် ရပေသည်။ သုံးစွဲခဲ့သော ခေတ်ကာလကို တိတိကျကျပြောရန်မှာ ထို ငွေအသပြာပြား၊ကြေးပြား၊ ခဲပြား များနှင့် အပိုင်းအစများတွင် မည်သည့်စာလုံး၊ မည်သည့်သင်္ကေတမှ မပါရှိသောကြောင့် ခန့်မှန်းရခက်ခဲ လှပေသည်။