ကမ္ဘာ့အသေးဆုံး ဒင်္ဂါးများကို ခပ်နှိပ်သုံးစွဲနိုင်ခဲ့သော ရှေးခေတ်ရခိုင်ဝေသာလီပြည် (အပိုင်း-၁)

*******************************************************************

ကမ္ဘာပေါ်တွင် ရှေးခေတ်က ယဉ်ကျေးမှုမြင့်မားသော လူမျိုးစုများသည် ဘုရင်စနစ်၊ မြို့ပြစနစ်၊ အုပ်ချုပ်စနစ်များကို ဖော်ဆောင်ကာ ယဉ်ကျေးမှုမြင့်မားခဲ့စေရန် ကြိုးစားအားထုတ်လုပ်ကိုင် ဆောင်ရွက်ခဲ့ကြသည်။ ထို့အပြင် ထိုလူမျိုးစုများသည် ဘာသာစကား အဆင့်အတန်း မြင့်မားစေခြင်းငှါ စာပေများကို တီထွင်ခဲ့ကြသလို၊ တိုင်းပြည်နှင့် လူမျိုး သာယာဝဖြိုး တိုးတက်စေရန်အတွက် ရွှေဒင်္ဂါး၊ ငွေဒင်္ဂါး၊ ကြေးဒင်္ဂါး၊ ခဲဒင်္ဂါး၊များကို ခပ်နှိပ်သုံးစွဲခဲ့ကြသည်။ ဒင်္ဂါးဆိုသည်မှာလည်း အချုပ်အခြာအာဏာပိုင်ဆိုင်ခဲ့သော တိုင်းပြည်နှင့် ဘုရင်တို့သာ ခပ်နှိပ်သုံးစွဲနိုင်သော သင်္ကေတတစ်ခုဖြစ်သည်။ ရွှေဒင်္ဂါး၊ ငွေဒင်္ဂါး၊ ကြေးဒင်္ဂါး၊ ခဲဒင်္ဂါးများကို ခပ်နှိပ်သုံးစွဲခဲ့ကြရာတွင်လည်း မိမိဒေသနှင့် ကိုက်ညီသော ဒင်္ဂါးပြား အရွယ်အစား အမျိုးမျိုးကို တန်ဖိုးသတ်မှတ်ကာ ခပ်နှိပ်သုံးစွဲခဲ့ကြသည်ကိုတွေ့ရသည်။ မြန်မာနိုင်ငံနယ်နိမိတ်အတွင်း၌ ရှေးဟောင်းယဉ်ကျေးမှုထွန်းကားခဲ့သော ဒေသများမှာ ရခိုင်၊ မွန်၊ ပျူ၊ မြန်မာ၊ တနင်္သာရီ၊ထားဝယ် မြို့ပြနိုင်ငံများဖြစ်ကြသည်။ ထိုရှေးဟောင်း မြို့ပြနိုင်ငံ တိုင်းပြည်များတွင် ၊ ရွှေဒဂ်ါး၊ ငွေဒင်္ဂါး၊ ကြေးဒင်္ဂါး၊ ခဲဒင်္ဂါးများ ခပ်နှိပ်သုံးစွဲခဲ့ကြသည်။ ဤဆောင်းပါးတွင် ထိုမြို့ပြနိုင်ငံများထဲမှ ရှေးခေတ် ရခိုင်ဝေသာလီမြို့ပြနိုင်ငံသုံး လက်သည်းခွံထက်ငယ်သော၊ တစ်နည်း ကုလားပဲခြမ်း အရွယ်မျှလောက်သာရှိသော ငွေဒင်္ဂါးများကို မိမိရှာဖွေတွေ့မိထား သမျှအကြောင်းအရာများကို တင်ပြသွားပါမည်။ ရှေးခေတ်ရခိုင်ဝေသာလီပြည်ဆိုသည် လက်ရှိ ကျောက်တော်နှင့်မြောက်ဦးမြို့နယ်ကြား ဒေသတွင် အေဒီ ၁ ရာစုမှ အေဒီ ၁၀ ရာစုအထိ နန်းတော်ကြီးတည်ဆောက်ကာ မြို့ပြနိုင်ငံအဖြစ်တည်ထောင်၍ စိုးစံအုပ်ချု ပ်ခဲ့သော တိုင်းပြည် နိုင်ငံတော်တစ်ခုဖြစ်သည်။ ရှေးက ရခိုင်ဝေသာလီမြ်ို့ပြနိုင်ငံတော်၏ အာဏာစက်သက်ရောက်ခဲ့သော ပိုင်နက်နယ်မြေများမှာ အနောက်ဘက်တွင်၊ အိန္ဒိယနိုင်ငံ ဟူးဂလိမြစ်အရှေ့ဘက်၊ အနောက်ဘင်္ဂေါဒေသ၊ လက်ရှိ ဘင်္ဂလားဒေခ်ျ့ နိုင်ငံတစ်ခုလုံးနီးပါးဖြစ်ပြီး၊ အရှေ့ဘက်တွင် ရခိုင်ရိုးမအထိဖြစ်သည်။ တောင်ဘက်တွင် ဒွါရာဝတီ ခေါ် သံတွဲမြို့အထိဖြစ်ကြောင်းကို ထိုဒေသတို့၌ တွေ့ရှိရသော ကျောက်စာ၊ အုပ်ချုပ်စာ၊ ကြေးနီပြားစာ၊ ရွှေဒင်္ဂါး၊ ငွေဒင်္ဂါးများနှင့် ရုပ်ဝတ္ထုများက သက်သေခံ နေသည်။ ထိုရှေးခေတ် ရခိုင်ဝေသာလီပြည်တွင် အာနန္ဒစန္ဒြမင်းကျောက်စာအရ ပထမမင်းဆက်တွင် မင်း (၁၅)ပါးအထိ စိုးစံအုပ်ချုပ်ခဲ့ကြပြီး၊ ထိုမင်းတို့အုပ်ချုပ်ခဲ့သော ကာလမှ ဘီစီ ၂ ရာစုမှ အေဒီ ၂၉၀ ကာလအထိဖြစ်သည်။ ပထမမင်းဆက်သည် ခရုသင်း/သီရိဝစ္စ အမှတ်သင်္ကေတပါသော ရွှေဒင်္ဂါး၊ ငွေဒင်္ဂါးများကိုခပ်နှိပ်သုံးစွဲခဲ့ကြသည်။ ဒုတိယမင်းဆက်မှာ စန္ဒြဘွဲ့ခံမင်းများဖြစ်ကြပြီး၊ မင်း(၁၃)ပါးရှိသည်။ ထိုမင်းတို့သည် အေဒီ ၂၉၀ မှ အေဒီ ၅၂၀ အထိ၊ စိုးစံအုပ်ချုပ်ခဲ့သည်။ ဤမင်းဆက်သည် နွားလားဥဿဘ/သီရိဝစ္စ အမှတ်သင်္ကေတပါသော ရွှေဒင်္ဂါး၊ ငွေဒင်္ဂါးများကို ခပ်နှိပ်သုံးစွဲခဲ့ကြသည်။ တတိယမင်းဆက်တွင် မင်း(၉)ပါး ပါရှိသည်။ ထိုမင်းတို့သည် အေဒီ ၅၂၀ မှ အေဒီ ၆၄၉ အထိ စိုးစံအုပ်ချုပ်ခဲ့ကြသည်။ တတိယမင်းဆက်သည်လည်း နွားလားဥဿဘ/သီရိဝစ္စ ဒင်္ဂါးများကို ခပ်နှိပ်သုံးစွဲခဲ့ကြသည်။ ၁။ ခရုသင်း / သီရိဝစ္စ ဒင်္ဂါး၊ ပထမမင်းဆက်(အေဒီ ၇၀-၂၉၀)၊ ၂။ နွားလားဥဿဘပုတီးကုံးပါ / သီရိဝစ္စ ဒင်္ဂါး၊ ဒုတိယမင်းဆက် ( အေဒီ ၂၉၀-၅၂၀)၊ ၃။ နွားလားဥဿဘ/သီရိဝစ္စ ပုတီးကုံးမပါ။ တတိယမင်းဆက် (အေဒီ ၅၂၀ မှ - ၁၀ ရာစု) တို့ဖြစ်ကြသည်။ ပထမမင်းဆက်မှာ အာနန္ဒစန္ဒြမင်းကျောက်စာ ကြောင်းရေ (၃)မှ စာကြောင်းရေ (၁၇)အထိ၊ ဂါထာအားဖြင့် ဖော်ပြရမည်ဆိုလျှင် ဂါထာအမှတ် (၃)မှ ဂါထာအမှတ် (၁၈)အထိ ဖြစ်သည်။ ပထမင်းဆက်မှ မင်းတို့ခပ်နှိပ်သုံးစွဲခဲ့သောဒင်္ဂါးများမှာ ရွှေဒင်္ဂါး၊ ငွေဒင်္ဂါးများဖြစ်ကြသည်။ အမျိုးအစားအားဖြင့် ကျပ်၊ မတ်၊ မူး၊ ပဲ၊ ရွေးစိတ် ဒင်္ဂါးများအထိကို ခပ်နှိပ်ခဲ့ပြီး ရောင်းဝယ်ဖောက်ကားခဲ့ကြမည်ဟု ယူဆရသည်။ ပထမမင်းဆက်မှမင်းတို့ ခပ်နှိပ်ခဲ့သော ဒင်္ဂါးများရှေ့ဘက်တွင် ဘုရင့်တံဆိပ်တော် “န၀ရတ်ကျောက်စီ ခရုသင်း” အမှတ်သင်္ကေတကို ပုံဖော်ထားပြီး၊ ကျောဘက်တွင် “ရခိုင်ဝေသာလီနိုင်ငံတော်တံဆိပ်” ကို ခပ်နှိပ်ထားသည်။ တစ်ချို့သော သုတေသီများက ကျောဘက်ပါ သင်္ကေတကို “သီရိဝစ္စ” အမှတ်သင်္ကေတဟု ဖော်ပြကြသည်။ ဤဆောင်းပါးတွင် ပထမမင်းဆက်မှ အသေးဆုံးသော န၀ရတ်ကျောက်စီ ခရုသင်းဒင်္ဂါးများကို ဖော်ပြသွားပါ သည်။ ထို ခရုသင်း အသေးဆုံး ဒင်္ဂါးမှာ အလေးချိန်အားဖြင့် (၀.၃)ဂရမ်ခန့်သာ ရှိပြီး၊ ဒင်္ဂါး၏အချင်းမှာ (၀.၈) စင်တီမီတာခန့်သာရှိပါသည်။ နည်းပညာ မထွန်းကားသေးသော လွန်ခဲ့သော နှစ်ပေါင်း နှစ်ထောင်နီးပါးက ရခိုင်ဒေသတွင် ဤမျှလောက် သေးငယ်သော ငွေဒင်္ဂါးပြား အသေးလေးပေါ်၌ ဘုရင့်တံဆိပ်တော်ဖြစ်သော “ခရုသင်း နှင့် သီရိဝစ္စ” အမှတ်သေင်္ကတကို ထင်ရှားစွာ ထည့်သွင်း ခပ်နှိပ်ထားသည်မှာ အလွန်ချီးကျူးအံ့သြဖွယ်ကောင်းလှပါသည်။ အာနန္ဒစန္ဒြမင်းဆက်ကျောက်စာပါ ပထမမင်းဆက်မှ ခပ်နှိပ်ခဲ့သော အသေးဆုံး ငွေဒဂ်ါးပြားကို ကုလားပဲခြမ်းဖြင့် နှိုင်းယှဉ်ပြထားပုံ (ပုံ -၁-) ဤခရုသင်း အမှတ်သင်္ကေတပါသော ငွေဒင်္ဂါးများကို အာနန္ဒစန္ဒြမင်းကျောက်စာ၊ ပထမမင်းဆက်ပါ ဂါထာ (၁၀ မှ ၁၇) အထိ၊ မင်းအမည်အားဖြင့်ဖော်ပြရသော် “ စန္ဒောဒယမင်း မှ လင်္ကီမင်း” အထိ စိုးစံအုပ်ချုပ်စဉ်ကာလ (အေဒီ ၇၀-၂၉၀) အတွင်း အတွင်း ခပ်နှိပ်ခဲ့သော ဒင်္ဂါးပြားများ ဖြစ်ကြသည်။ ဤရခိုင်ဝေသာလီခေတ်ဦးသုံး “ ခရုသင်း/သီရိဝစ္စ” သင်္ကေတအမှတ်အသားပါ ဒင်္ဂါးများမှာ နွားလားဥဿဘ အမှတ်သင်္ကေတပါသော ဒင်္ဂါးထက် ရှေးကျသော ဒင်္ဂါးများဖြစ်ကြသည်။ အာနန္ဒစန္ဒြမင်းကျောက်စာပါ ပထမမင်းဆက်မှ မင်းတို့ခပ်နှိပ်ခဲ့သော န၀ရတ်ကျောက်စီ ခရုသင်း ကျပ်ပြည့်ဒင်္ဂါးများအကြောင်းကို အသေးစိတ် အကျယ်ကို သိလိုိပါက “ရခိုင်ပြည်သုံးဒင်္ဂါးနှင့်ခေတ်ပြိုင်ဒင်္ဂါးများ” စာအုပ်၊ စာမျက်နှာ (၄၈-၈၂) ကို ကြည့်ပါ။ ဆက်လက်၍ မကြာမီ ကမ္ဘာ့အသေးဆုံး နွားလားဥဿဘ/သီရိဝစ္စ အသေးဆုံး ဒင်္ဂါးများအကြောင်းကို တင်ပြသွားပါမည်။