“NLD က ပြည်နယ်အစိုးရကို ဦးဆောင်ဖွဲ့မယ်လို့ စည်းရုံးတဲ့အပေါ်မှာ ကျွန်တော်တို့ဘက် ဒီလိုထုတ်ပြန်ကြေညာရတာကို ခင်ဗျားတို့က လွန်တယ်လို့ ထင်မလား”

--------------------------------------------------------------------

ရခိုင်အမျိုးသားပါတီ ဥက္ကဋ္ဌ ဒေါက်တာအေးမောင်နှင့် တွေ့ဆုံခြင်း

ရခိုင်အမျိုးသားပါတီက ပြည်နယ်အစိုးရ ဖွဲ့စည်းနိုင်ရေးအတွက် အမျိုးသားဒီမိုကရေစီအဖွဲ့ချုပ် (NLD) ပါတီနှင့် တွေ့ဆုံဆွေးနွေးရေးအတွက် ပါတီခေါင်းဆောင်သုံးဦး ပါဝင်သော အဖွဲ့တစ်ဖွဲ့ ဖွဲ့စည်းလိုက်သည်။ ယင်းအဖွဲ့နှင့် ပတ်သက်ပြီး လက်ရှိလုပ်ဆောင်နေမှု NLD ပါတီနှင့် တွေ့ဆုံဆွေးနွေးရေး အခြေအနေများ၊ အစိုးရ ဖွဲ့စည်းသည့်အခါ တိုင်းရင်းသားပါတီများ ပါဝင်ခွင့်ဆိုင်ရာ ကိစ္စရပ်များကို ရခိုင်အမျိုးသားပါတီ ဥက္ကဋ္ဌ ဒေါက်တာအေးမောင်နှင့် တွေ့ဆုံမေးမြန်းပြီး ထုတ်နုတ်တင်ပြလိုက်ရပါသည်။

Voice : ပြည်နယ်အစိုးရ ဖွဲ့စည်းနိုင်ရေးအတွက် အမျိုးသားဒီမိုကရေစီအဖွဲ့ချုပ် (NLD) ပါတီနဲ့ တွေ့ဆုံဆွေးနွေးဖို့ကို ရခိုင်အမျိုးသားပါတီက သုံးဦးပါ အဖွဲ့ကို ဖွဲ့စည်းခဲ့တယ် ဆိုတာကို သိရပါတယ်။ ဒီအပေါ်မှာ NLD ပါတီက တုံ့ပြန်မှု မရှိခဲ့ဘူးလား ခင်ဗျ။


DR.AM : ကျွန်တော်တို့က ရွေးကောက်ပွဲအလွန် ကာလမှာ ပါတီဗဟိုကော်မတီ အစည်းအဝေးကို လုပ်ပါတယ်။ ဗဟိုအလုပ်အမှုဆောင် အစည်းအဝေး ဆိုတာကိုလည်း လုပ်ပါတယ်။ ဗဟိုအလုပ်အမှုဆောင်အဖွဲ့မှာ ၃၉ ဦး ရှိပါတယ်။ သူတို့ရဲ့ တာဝန်ပေးချက်အရ ကျွန်တော်တို့ပါတီက ဆွေးနွေးမယ့် အခြေခံလေးတွေကို သတ်မှတ်ပေးပါတယ်။ အမျိုးသားဒီမိုကရေစီအဖွဲ့ချုပ်က ဖိတ်ခေါ်လို့ရှိရင် ဆွေးနွေးဖို့အတွက် လူကို ရွေးပေးပါတယ်။ ကျွန်တော်တို့က တွေ့ဆုံဆွေးနွေးပြီးမှ မြန်မာနိုင်ငံရေး အခင်းအကျင်းလေးကို ကျွန်တော်တို့ သွားချင်တယ်။ အဲဒီသဘောပဲ ကျွန်တော်တို့က တွေ့ဆုံဖို့အတွက်ကို စောင့်လည်းစောင့်တယ်၊ မျှော်လည်းမျှော်လင့်တယ်။ တွေ့ဆုံပြီးမှ မြန်မာ့အခြေအနေ၊ ရခိုင့်အခြေအနေကို ဘယ်လိုပူးပေါင်းဆောင်ရွက်မလဲဆိုတဲ့ သဘောနဲ့ သွားပါတယ်။ သို့သော်လည်း ယနေ့အချိန်အထိ တွေ့ဆုံဆွေးနွေးမှု လမ်းကြောင်းကို ကျွန်တော်တို့ဘက်က မမြင်ဘူးပေါ့နော်။

Voice : မနေ့က ကြေညာချက်က NLD ပါတီ ရခိုင်ပြည်နယ် ဥက္ကဋ္ဌ ဦးညီပု ပြောသွားတဲ့ ရခိုင်ပြည်နယ် အစိုးရကို NLD ပါတီက ဦးဆောင်ပြီးဖွဲ့မယ် ဆိုတာကို ဦးတည်ထားတာကို တွေ့ရတယ်ဗျ။

DR.AM : ဟုတ်ပါတယ်။ ဒုတိယအကြိမ် NLD ပါတီရဲ့ တာဝန်ပေးချက်အရလို့ ပြောပြီး ဦးညီပုရဲ့ ပြည်နယ်အစိုးရကို NLD က ဦးဆောင်ပြီး ဖွဲ့စည်းမယ်ဆိုတဲ့ သဘောနဲ့ ချဉ်းကပ်လာတယ်။ ဦးညီပုရဲ့ ချဉ်းကပ်မှုဟာ ကျွန်တော်တို့ပါတီကို အသိအမှတ်မပြုရာ ကျမနေဘူးလား။ ကျွန်တော်တို့ရဲ့ ရုံးချုပ်ဟာ စစ်တွေမှာ ရှိတယ်ဗျာ။ ပါတီဘက်က ထိပ်ပိုင်းလူကြီး သုံးယောက်ကို ဆွေးနွေးဖို့အတွက် ရင်ဖွင့်ထားတယ်ဗျာ။ အဲဒါကို အသိအမှတ်မပြုဘဲနဲ့ အမျိုးသားဒီမိုကရေစီအဖွဲ့ချုပ်က ပြည်နယ်အဆင့်က လူကို လွှတ်ပြီးတော့ ကျွန်တော်တို့ပါတီကို ဖိတ်စာလေး ကမ်းတယ်ဗျာ။ လာရောက်တက်ပေးပါ၊ သူတို့ဆွေးနွေးပွဲကို တက်ပေးဖို့ ဒီလောက်ပဲ ဖိတ်ခံရတဲ့ ကျွန်တော်တို့ပါတီ အဆင့်ဟာ ဘယ်ရောက်သွားပြီလဲ။ ကျွန်တော်တို့မှာ တန်းတူအခွင့်အရေး မရှိဘူး။ အမျိုးသားဒီမိုကရေစီအဖွဲ့ချုပ်က သတ်မှတ်တဲ့ ခေါင်းဆောင်တွေနဲ့ ဆွေးနွေးခွင့် ကျွန်တော်တို့ ခေါင်းဆောင်တွေဆီမှာ မရှိဘူးလား။ ပြည်ထောင်စုအရေး အနာဂတ် ဖွံ့ဖြိုးတိုးတက်ရေးကို တန်းတူဆွေးနွေးနိုင်ဖို့ ကျွန်တော်တို့မှာ အခွင့်အရေး မရှိဘူးလား။

ဒီလိုမျိုး တန်းတူရပိုင်ခွင့်တွေတောင် မရရင် ကျွန်တော်တို့၊ ခင်ဗျားတို့ ပြောနေတဲ့ အမျိုးသားပြန်လည်ရင်ကြားစေ့ရေးဆိုတာ ပါးစပ်ပြောပဲ ရှိမှာပေါ့ဗျာ။ လက်တွေ့မပါရင် ပြည်ထောင်စုကို ဘယ်လိုရင်ကြားစေ့မှာလဲ၊ အပစ်အခတ်ရပ်စဲအောင် ဘယ်လိုလုပ်မှာလဲ၊ ပါးစပ်ပြောပဲ ရှိမှာပေါ့ဗျာ။ အာဏာမရခင်က တစ်မျိုး အာဏာရပြီးတဲ့အခါ တစ်မျိုးဆိုရင် ကျွန်တော်တို့ ဘယ်သူ့ကို ယုံရတော့မှာလဲ၊ ဖက်ဒရယ်လို့ တွင်တွင်ပြောတိုင်း ကျွန်တော်တို့က ဖက်ဒရယ်သမားလို့ သတ်မှတ်ရမှာလား၊ ဒီမိုကရေစီ အတွင်တွင်ပြောတိုင်း ဒီမိုကရေစီသမားလို့ အသိအမှတ်ပြုရမှာလား။ လက်တွေ့အသုံးချတတ်ဖို့ လိုတာပေါ့၊ လက်တွေ့နွေးထွေးစွာ ဖိတ်ခေါ်ရမှာပေါ့။ ကျွန်တော်တို့က အားလုံးကြားအောင် ရွှေနားတော်သွင်း ဧချင်းလေးတွေကို လွှင့်တာပါ။

Voice : ကျွန်တော်တို့ သိရသလောက် ရခိုင်အမျိုးသားပါတီ အနေနဲ့ ၂၀၁၂ ကြားဖြတ်ရွေးကောက်ပွဲကနေ တစ်ဆင့် လွှတ်တော်ထဲ ရောက်လာတဲ့ NLD ပါတီနဲ့ လွှတ်တော်အတွင်း ပူးပေါင်းဆောင်ရွက်မှုအချို့ ရှိခဲ့တာပဲ မဟုတ်ဘူးလား။

DR.AM : NLD က ကြားဖြတ်ရွေးကောက်ပွဲကို ဖြတ်သန်းတယ်လေ။ ဖွဲ့စည်းပုံအခြေခံဥပဒေကြီးကို သည်းခံပြီး ကျွန်တော်တို့နဲ့ အတူပြင်ဖို့ ကြိုးစားကြတာပေါ့ဗျာ။ ဒီမိုကရက်တစ် လူ့ဘောင်ကို သွားဖို့အတွက် ရုန်းဖော်ရုန်းဖက်တွေပဲ၊ ကြိုးစားဖော်ကြိုးစားဖက်တွေပါပဲ။ အခု အမျိုးသားဒီမိုကရေစီအဖွဲ့ချုပ် NLD ပါတီက ၂၀၁၂ ကြားဖြတ်ရွေးကောက်ပွဲကို ဖြတ်တဲ့အခါမှာ ပုံသဏ္ဌာန်လေးတွေက ကျွန်တော်တို့ ရခိုင်အမျိုးသားပါတီနဲ့ ဦးတည်ချက်လေးတွေ လာတူတာပေါ့။ ဖွဲ့စည်းပုံအခြေခံဥပဒေ ပြင်ဆင်ရေးအတွက် ပူးပေါင်းကြတာပေါ့။ တွေ့ဆုံဆွေးနွေး အဖြေရှာပြီး မြန်မာ့နိုင်ငံရေး အခင်းအကျင်းကို ဒီမိုကရက်တစ် ဖက်ဒရယ်ပြည်ထောင်စုကို သွားမယ်ဆိုတာတွေက တူပြီးသားပါ။ အားလုံးလည်း သဘောပေါက်ပါတယ်။ ဖွဲ့စည်းပုံအခြေခံဥပဒေ ဆိုတာကို အမျိုးသားဒီမိုကရေစီအဖွဲ့ချုပ်က ပြင်ချင်တယ် သူတို့က ၅၉ (စ) နောက် ပုဒ်မ ၄၃၆ တို့ကို ပြင်ဖို့ ကြိုးစားသလို ကျွန်တော်တို့ကလည်း ပုဒ်မ ၂၆၁ ပါ ပြဋ္ဌာန်းချက်တွေကို ပြင်ဖို့ ကြိုးစားကြတာပေါ့။

Voice : ကျွန်တော် NLD ပါတီ ဗဟိုအလုပ်အမှုဆောင် အချို့ကို မေးမြန်းဖူးပါတယ်။ သူတို့က တိုင်းရင်းသားပါတီတွေ ပူးပေါင်း ပါဝင်လာရေး အတွက်ကို အမြဲတမ်း တံခါးဖွင့်ထားပါတယ်လို့ ပြောဖူးတယ်ဗျ။ ဒါပေမဲ့ သူတို့က ပါတီကြီးတစ်ခု ဖြစ်တဲ့အတွက် သွားရောက်ညှိနှိုင်းမှုမျိုးထက် ဘယ်သူမဆို ဝင်လာလို့ရတယ် ဆိုတာမျိုးကိုပဲ လမ်းဖွင့်ထားတယ်ဆိုတဲ့ သဘောထား ပေးဖူးတယ်ဗျ၊ အဲဒါကိုရော ဘယ်လိုမြင်ပါသလဲ။

DR.AM : ဒါကတော့ဗျာ ရွေးကောက်ပွဲအပြီး သူတို့ချဉ်းကပ်ပုံက ခင်ဗျားတို့ပဲ စဉ်းစားကြည့်၊ ကျွန်တော်တို့ပါတီက ပါတီငယ်ဖြစ်တော့ ပါတီကြီးတစ်ခုရဲ့ ဖိတ်ခေါ်ချက်ကို လမ်းဖွင့်ပေးထားပါတယ်။ နွေးထွေးစွာ တွေ့ဆုံမှုနဲ့ ဖြေရှင်းချင်တယ်။ ဒါပေမဲ့ သူတို့ချဉ်းကပ်ပုံက ဒုတိယအကြိမ်မြောက် ဖြစ်လာပြီ၊ ဦးဆောင်အစိုးရ ဖွဲ့မယ်ဆိုတဲ့ပုံစံနဲ့ ချဉ်းကပ်လာတယ်။ ခင်ဗျားတို့ သိပါတယ် NLD ပါတီနဲ့ ၁၉၉၀ ကတည်းက မဟာမိတ် လုပ်လာတဲ့ ALD ဆိုတာ ရှိတယ်နော်။ ၂၀၁၀ နီးမှ ပေါ်လာတဲ့ RNDP ဆိုတာရှိတယ်၊ အမျိုးသားအကျိုးစီးပွားအတွက် ကျွန်တော်တို့ ပါတီနှစ်ခုကို ပေါင်းထားတယ်၊ မဟာမိတ် ချိတ်ဆက်တာပေါ့။

အဲဒီတော့ ပြန်တွက်ကြည့်ရင် ကျွန်တော်တို့က မဟာမိတ် ချိတ်ဆက်တာ နှစ်ခုကြားမှာ ရှိတယ်၊ အဲဒီနောက် မဟာမိတ် ချိတ်ဆက်တာကို ပြိုကွဲမှာစိုးလို့ တစ်ခုခုနဲ့ ခိုင်ခိုင်မာမာ ချိတ်ဆက်ဖို့ ဆိုတာနဲ့ ကျန်တဲ့တစ်ခုကို ဖြတ်မယ်လို့လုပ်တိုင်း လုပ်တိုင်း ကျွန်တော်တို့က ဆွေးနွေးစရာလေးတွေ ပေါ်လာတဲ့အခါမှာ၊ မဟာမိတ် ချိတ်ဆက်မှု နှစ်ခုလုံးကို ကျွန်တော်တို့က ယာယီဆိုင်းငံ့တယ် ဆိုတာမျိုးနဲ့ ဖြတ်သန်းနေတယ်။ အဲဒီကာလမှာ NLD ပါတီရဲ့ ဦးညီပု ချဉ်းကပ်မှုရယ်၊ တစ်ဖက်က UNA ရဲ့ လှုပ်ရှားမှုရယ် နှစ်ခုတွေ့ရတယ်။ အဲဒီလိုတွေ့တဲ့ အခါမှာ ကျွန်တော်တို့ပါတီရဲ့ အမျိုးသားအကျိုးစီးပွားအရ ကျွန်တော်တို့ပါတီ ပြိုကွဲသွားနိုင်တယ်၊ အစိုးရဖွဲ့ရေးဆိုတဲ့ မက်လုံးကို ယူပြီးမှ သူ့အခြမ်း ကိုယ့်အခြမ်း ပြိုကွဲသွားနိုင်တယ်။ အဲဒီတော့ ပါတီရဲ့ မဟာဗျူဟာမြောက် ချဉ်းကပ်ချိန်ရောက်ပြီ၊ မဟုတ်ရင် NLD ပါတီရဲ့ ရခိုင်ပြည်နယ်အစိုးရ ဖွဲ့စည်းရေး ထိုးဖောက်မှုဟာ ရခိုင်အမျိုးသားပါတီကို ပြိုကွဲသွားစေနိုင်သလို ရခိုင်အမျိုးသား အကျိုးစီးပွားကို ဖြိုခွဲလာနိုင်တဲ့ အကြောင်းတရားတွေကို ကြိုတင်သုံးသပ်မိတာပေါ့။ အဲဒါကြောင့် ခုနလို ထုတ်ပြန်ရတာပေါ့ဗျာ၊ ဘာလို့လဲဆို ကျွန်တော်တို့က ဒီမိုကရေစီကို လက်ခံတယ်၊ ပြီးတော့ NLD ကို ယုံကြည်လို့ပါ။

Voice : ရခိုင်ပြည်နယ်လွှတ်တော်မှာ အရေအတွက် အများဆုံး အနိုင်ရရှိထားတဲ့ ရခိုင်အမျိုးသားပါတီက ဝန်ကြီးချုပ်နေရာကို ရယူပြီး ပြည်နယ်အစိုးရ ဖွဲ့စည်းရေးကို ဦးဆောင်ချင်တယ်ဆိုတာ ကြေညာချက်အရ သိရပါတယ်။ ဒါပေမဲ့ ဖွဲ့စည်းပုံအခြေခံဥပဒေအရ ပြည်နယ်ဝန်ကြီးချုပ်ကို သမ္မတကပဲ တိုက်ရိုက်ခန့်အပ်ရမယ် ဆိုတာပါတော့၊ အခု ပြည်ထောင်စုအစိုးရ ဖွဲ့စည်းနိုင်တဲ့ လွှတ်တော်ကိုယ်စားလှယ် အရေအတွက် ရထားတဲ့ NLD ပါတီနဲ့ တွေ့ဆုံရမယ်ဆိုရင် ဘယ်လိုညှိနှိုင်းမှုမျိုး လုပ်မလဲ ခင်ဗျ။

DR.AM : ရခိုင်ပြည်နယ်လွှတ်တော်မှာ NLD ကိုးဦးပဲ ရပါတယ်။ တိုင်းရင်းသားရေးရာဝန်ကြီး အပါအဝင်ပေါ့ဗျာ။ ကြံ့ခိုင်ရေးက သုံးဦးပဲ ရပါတယ်၊ ပါလီမန်မှာ ကျွန်တော်တို့က ၂၃ ဦး ရတယ်၊ ရခိုင်ပြည်နယ်မှာ ၃၅ နေရာ ရှိတယ်။ ၂၀၁၀ ရွေးကောက်ပွဲ ကြံ့ခိုင်ရေးပါတီတုန်းကလည်း ကျွန်တော်တို့ထက် တစ်ဦးလျော့တယ်။ ဒါပေမဲ့ သူက တပ်မတော် ကိုယ်စားလှယ်တွေနဲ့ ပေါင်းပြီး လွှတ်တော်ထဲမှာ အင်အားကြီး နေရာယူတယ်ဆိုတာ ကျွန်တော်တို့ လက်ခံတယ်။ ဘာလို့လဲဆို ကျွန်တော်တို့က အတိုက်အခံအဖြစ်နဲ့ နေရတာကိုး။ အဲဒီကာလမှာတောင် ကျွန်တော်တို့ကို ညှိနှိုင်းဖို့ ကြိုးစားတဲ့အနေနဲ့ တွေ့ဆုံဆွေးနွေးကြပါသေးတယ်။ ရွေးကောက်ပွဲအလွန် ကာလမှာပေါ့လေ၊ တည်ငြိမ်တဲ့ အစိုးရတစ်ရပ် ဖွဲ့စည်းဖို့အတွက် ရခိုင်အမျိုးသားပါတီက ပူးပေါင်းပါဝင်ပါ ဆိုပြီး ဖိတ်ခေါ်ခဲ့တယ်။

ကြံ့ခိုင်ရေးက သူတို့ဆွဲထားတဲ့ ဖွဲ့စည်းပုံအရ တပ်မတော်နဲ့ပေါင်းပြီး အဓိက နေရာယူခဲ့တယ်။ သို့သော် အမျိုးသားဒီမိုကရေစီအဖွဲ့ချုပ်တို့၊ ပြည်ခိုင်ဖြိုးပါတီတို့ ဆိုတာက ပြည်ထောင်စုပါတီလို့ ခံယူထားကြတာကိုးဗျ။ ကျွန်တော်တို့ ရခိုင်ပါတီ၊ မွန်ပါတီ၊ ရှမ်းပါတီလေးတွေက ကိုယ့်ပြည်နယ်၏ ကိုယ်ပိုင်အုပ်ချုပ်ခွင့်၊ ကိုယ်ပိုင်ပြဋ္ဌာန်းခွင့်တို့ကို ဦးတည်တဲ့ ပါတီလေးတွေ ဖြစ်ပါတယ်။ ကျွန်တော်တို့တွေက အဓိက ပြည်နယ်ကို ဗဟိုပြုတယ်၊ အမျိုးသားဒီမိုကရေစီအဖွဲ့ချုပ်တို့၊ ကြံ့ခိုင်ရေးပါတီတို့က ပြည်ထောင်စုကို ဗဟိုပြုတယ်။ အဲဒီတော့ ကျွန်တော်တို့ ဗဟိုပြုတဲ့ ဗဟိုချက်မှာ ကျွန်တော်တို့ ရာခိုင်နှုန်း များတာပေါ့ ဒီမိုကရေစီ သဘောအရလေ၊ ပွင့်ပွင့်လင်းလင်းပြောရင် အဓိက Majority (အများစု) နေရာကို ကျွန်တော်တို့ ရတာပေါ့ဗျာ။

အဲဒါကို အသိအမှတ်ပြုဖို့က ဖွဲ့စည်းပုံကို ပြင်ဖို့ဆင်ဖို့ ကြိုးစားနေတဲ့ အမျိုးသားဒီမိုကရေစီအဖွဲ့ချုပ်မှာ လုံးလုံးတာဝန်ရှိတယ်။ ပြည်ခိုင်ဖြိုးဆို ကျွန်တော်တို့ ခွင့်လွှတ်နိုင်သေးတယ်ဗျ၊ သူတို့ရေးတဲ့ ဖွဲ့စည်းပုံနဲ့ သူတို့ ကစားတယ် ဆိုပြီးလေ၊ ဒါပေမဲ့ အခုက ကျွန်တော်တို့ ၅၉ (စ) ကို ပြင်မယ် တွင်တွင်ပြောပြီး လက်ရှိ ဖွဲ့စည်းပုံအခြေခံဥပဒေအရ သမ္မတ မဖြစ်နိုင်တဲ့ ဒေါ်အောင်ဆန်းစုကြည်က အစိုးရဖွဲ့ဖို့အတွက် ဦးတည်လာတဲ့ ကာလ၊ ရခိုင်ပြည်နယ်ကို ကျွန်တော်တို့က ကိုယ့်ပြည်နယ်၊ ကိုယ့်ဒေသကို ကိုယ်ဟာကိုယ် အုပ်ချုပ်ချင်တာပေါ့ဗျာ။ Resource Sharing အရ ကိုယ့်ပြည်နယ်အတွက် ရပိုင်ခွင့်ကို တာဝန်ကျေအောင် လုပ်ချင်တယ်၊ တိုင်းရင်းသားပါတီတွေ အားလုံးနဲ့ ချိတ်ဆက်ပြီးတော့ စစ်မှန်တဲ့ ပြည်ထောင်စုဖြစ်အောင် ကျွန်တော်တို့ State Building ကဏ္ဍကို ဆောင်ရွက်သွားမယ်။

အဲဒီမှာ ပြည်ထောင်စုရဲ့ အားသာချက်၊ အားနည်းချက်တွေကို ယူပြီးမှ ကျွန်တော်တို့ ကြိုးစားမယ်၊ ရပိုင်ခွင့်ဆိုတဲ့ Decentralize ကို ရအောင်ယူပြီးမှ ပြည်ထောင်စုကို တည်ဆောက်မှာပေါ့ဗျာ။ Local Government ရဲ့ အရေးပါမှုကို ကျွန်တော်တို့ သဘောပေါက်တယ်။ ပြည်ထောင်စုဆိုတာ ခင်ဗျားသိတဲ့အတိုင်း ဗဟိုမှာ ချုပ်ကိုင်ပြီးမှ ပုဂ္ဂိုလ်တစ်ဦးချင်း ကြီးပွားချမ်းသာသွားတာ များတယ်။ ဗဟိုကဖိ ဗဟိုက ရသွားတာပေါ့၊ ကျန်တဲ့တိုင်းဒေသကြီး ပြည်နယ် နယ်စွန်နယ်ဖျားတွေ အကုန်လုံး စုတ်ပြတ်သတ်သွားတာပေါ့။ သယံဇာတ ခန်းခြောက်သွားတယ်။ အဲဒါကြောင့် ပြည်နယ်တည်ဆောက်ရေး အရေးကြီးတယ် ဆိုတာမျိုး ကျွန်တော်တို့ သိတယ်၊ အဲဒါကြောင့် ပြည်နယ်တည်ဆောက်ရေးကို လုပ်ဖို့ ကြိုးစားနေတဲ့ ကျွန်တော်တို့ ရခိုင်အမျိုးသားပါတီ ဦးတည်ချက်ကို ဖြိုခွဲလာတဲ့အသွင် ဖန်တီးလာတဲ့အခါမှာ ကျွန်တော်တို့ ခံစစ်ကြောင်း လုံအောင် ပြန်ကာရတာပေါ့။

အဲဒါကြောင့် ဒီကြေညာချက်သည် ကျွန်တော်တို့ ဒီမိုကရေစီ ဘက်တော်သားတွေရဲ့ ရပ်တည်ချက်၊ စစ်မှန်တဲ့ ဖက်ဒရယ်ပြည်ထောင်စု မူဘောင်ထဲမှာ သွားနေတဲ့ အမျိုးသားပါတီ တစ်ခုရဲ့ ရပ်တည်ချက်ဖြစ်ကြောင်း ကျန်တိုင်းရင်းသားပါတီတွေကို သိစေချင်တယ်။ ပြီးတော့ အစိုးရဖွဲ့ဖို့၊ ဖွဲ့စည်းပုံကိုပြင်ဖို့ ကြိုးစားနေတဲ့ အမျိုးသားဒီမိုကရေစီအဖွဲ့ချုပ်ရဲ့ ထိပ်ပိုင်းခေါင်းဆောင်တွေကို သိစေချင်တယ်၊ အဲဒီတော့ ကျွန်တော်တို့က တွေ့ဆုံဆွေးနွေးပြီးတဲ့ အခါမှ ရခိုင့်အခြေအနေ၊ မြန်မာ့အခြေအနေ၊ ပြည်ထောင်စု အခြေအနေ၊ ဒီမိုကရေစီ အခြေအနေကို အဖြေရှာချင်ပါတယ်။

Voice : ကြေညာချက်ထဲမှာ ပြည်နယ်အစိုးရကို ရခိုင်အမျိုးသားပါတီက ဦးဆောင်ခွင့်မရရင် အခြားမည်သည့်အစိုးရ အဖွဲ့အစည်းမှာမဆို ပါဝင်ခြင်း မပြုဘဲနဲ့ အတိုက်အခံပါတီတစ်ခု အဖြစ် ရပ်တည်သွားမယ်ဆိုတာ ပါတယ်ခင်ဗျ။ ဒါက တစ်ဖက်က NLD ပါတီကို နိုင်ငံရေး အကျပ်ရိုက်စေတဲ့ သဘောထား ဖြစ်နေမလား ခင်ဗျ။

DR.AM : ကျွန်တော် ခုနကပြောသလိုပဲ ညာဘက်လက် ဘယ်ဘက်လက် ဆိုတာ၊ ဦးစားပေး မတူဘူးဗျ၊ ကျွန်တော်တို့ တိုင်းရင်းသားပါတီတွေက နှစ်ပေါင်း ၆၈ နှစ်လောက် ကြာအောင် မတည်ဆောက်နိုင်ခဲ့တဲ့ စစ်မှန်တဲ့ ဖက်ဒရယ်ပြည်ထောင်စုဆိုတဲ့ ဦးတည်ချက်ကို အကောင်အထည်ဖော်ရမယ့် ကာလလို့ သတ်မှတ်တယ်။ အဲဒီတော့ ကျွန်တော်တို့ ဦးစားပေးမယ်၊ ပြည်နယ်တည်ဆောက်ရေး ပြည်နယ်ဝန်ကြီးချုပ်အဖြစ် ဖွဲ့စည်းပုံအခြေခံဥပဒေကို ပြင်ဆင်ရမယ့် အချိန်အခါ။ လက်တွေ့အကောင်အထည်ဖော်တဲ့ အခါမှာ ဘာတွေအခက်အခဲရှိလဲ၊ လက်တွေ့နဲ့ ယှဉ်ပြီးတော့ ဘာတွေပြင်ဖို့ လိုအပ်သလဲ Resource and Sharing ပေါ့။

ရခိုင်အမျိုးသား အကျိုးစီးပွားကို ပြန်လည်တည်ဆောက်တဲ့ အခါမှ ဖြစ်လာမယ့် ပြည်ထောင်စုဆိုင်ရာ ပြဿနာကို ကျွန်တော်တို့ ပြန်ရှင်းဖို့အတွက် ကြိုးစားခြင်းပဲ၊ အဲဒီတော့ ရခိုင်အမျိုးသားပါတီရဲ့ ဦးစားပေးက ရခိုင်ပြည်နယ်၊ အမျိုးသားဒီမိုကရေစီအဖွဲ့ချုပ်က သမ္မတ တင်မြှောက်ရေး၊ ပြည်ထောင်စုအစိုးရ ဖွဲ့စည်းရေး ဆိုတာကို ဦးစားပေးတာကိုး။ အဲဒီအခါမှာ အမျိုးသားပြန်လည်ရင်ကြားစေ့ဖို့အတွက် အားလုံးပါဝင်ရေးဆိုတဲ့ မူနဲ့ သွားနေကြတာ၊ အဲဒါကို ကျွန်တော်တို့ ကြိုဆိုတယ်၊ ဒါပေမဲ့ အားလုံးပါဝင်ရေး ဆိုတာကို သွားတဲ့အခါမှာ သဘောထားကြီးဖို့လိုတယ်။

ခုနက ပြည်ထောင်စုလွှတ်တော်မှာ အများကြီး ရထားတဲ့အတွက် ပြည်ထောင်စုအစိုးရကို ကြိုက်သလို ဖွဲ့စည်းနိုင်တယ်။ ဒါပေမဲ့ ဖွဲ့စည်းပုံဆိုင်ရာ အားနည်းချက်အရ ပြည်ထောင်စုကို ဦးဆောင်နိုင်မှပဲ ပြည်နယ်အစိုးရကို ဖွဲ့စည်းနိုင်မယ်။ ဒီအားနည်းချက်ကို ကြံ့ခိုင်ရေးက သုံးတယ်၊ အဲဒါကို NLD က ထပ်သုံးမယ်ဆိုရင် NLD ဟာ ကြံ့ခိုင်ရေးနဲ့ တူသွားမှာပေါ့။ အမျိုးသားပြန်လည်ရင်ကြားစေ့ရေး ဆိုတဲ့ စကားကို တွင်တွင်သုံးချင်တယ်ဆိုရင် လက်တွေ့အသုံးပြုသင့် မပြုသင့် ဆိုရင် ညင်သာတဲ့ ချဉ်းကပ်မှုမျိုးနဲ့ ချဉ်းကပ်ဖို့ လိုတယ်။

Voice : ခုနက ပြောသွားတဲ့အထဲမှာ NLD ပါတီရဲ့ တိုင်းရင်းသားပါတီတွေအပေါ် ချဉ်းကပ်မှုမျိုးဟာ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီရဲ့ ချဉ်းကပ်မှုမျိုးနဲ့ မတူဖို့လိုတယ် ဆိုတာမျိုး ပါတယ်ခင်ဗျ။ ဘယ်လိုမျိုးကို ဆိုလိုချင်တာလဲ ခင်ဗျ။

DR.AM : ပြည်ထောင်စုမှာတောင် ရခိုင်အမျိုးသားပါတီက ၂၂ ဦး နေရာရထားတယ်၊ ဒါတွေကို အသိအမှတ်ပြုပေးရမယ်။ ဖွဲ့စည်းပုံအခြေခံဥပဒေမှာ မည်ကဲ့သို့ပင် ပြဋ္ဌာန်းထားပါစေ NLD ပါတီဟာ တိုင်းရင်းသားတွေအပေါ်ကို USDP နဲ့ မတူတဲ့ ချဉ်းကပ်မှုမျိုးနဲ့ ဖက်လှဲတကင်း ကြိုဆိုတယ်၊ နွေးထွေးတယ်ဆိုတာ ဖြစ်စေချင်တယ်။ ဒီကာလကနေစပြီး ဖက်ဒရယ်ပြည်ထောင်စုရဲ့ အစိတ်အပိုင်းတစ်ခုကို အသိအမှတ် စပြုတယ်ဟေ့လို့ ပြည်ခိုင်ဖြိုးပါတီနဲ့ မတူတဲ့ ချဉ်းကပ်မှုမျိုးနဲ့ လာမယ်ဆိုရင် NLD ပါတီဟာ သမိုင်းပေးတာဝန် ကျေတယ်လို့ သတ်မှတ်လို့ ရမှာပေါ့။ ဒါမှမဟုတ်ရင် ဒီပုတ်ထဲက ဒီပဲပဲလို့ ကျွန်တော်တို့ သတ်မှတ်လိုက်ရမှာလား။

ခင်ဗျားတို့ပြောတဲ့ အမျိုးသားပြန်လည်ရင်ကြားစေ့ရေး ဆိုရာမှာ အဖြေတစ်ခု မရနိုင်ဘူးလား၊ ဒီလိုမျိုး ချဉ်းကပ်မှုမျိုးဟာ အမျိုးသားပြန်လည်ရင်ကြားစေ့ရေး ပီပြင်လာတယ်လို့ မထင်ဘူးလား။ ဒါမျိုးကို NLD ထဲက ထိပ်ပိုင်းခေါင်းဆောင်တွေ တွေးမိမယ်ဆိုရင် ကျွန်တော်တို့နဲ့ ဆွေးနွေးဖို့အတွက် လာလိမ့်မယ်။ ဒီလိုမှ မဟုတ်ဘဲ အာဏာရှင်လိုမျိုး ငါတို့နိုင်ထားတဲ့အတွက် ငါတို့လုပ်တာ ခံရမယ် ဆိုတာမျိုး တွေးတဲ့ပုဂ္ဂိုလ်တွေ NLD မှာရှိရင် NLD မှာ လွှမ်းမိုးလို့ရှိရင်၊ ကျွန်တော်တို့ကို ဆွေးနွေးမှာ မဟုတ်ဘူး။ ဒါဆိုရင်လည်း ကျွန်တော်တို့က လက်ခံတယ်၊ ခံစစ်ကြောင်းအနေနဲ့ ကျွန်တော်တို့က ပြည်ထောင်စုမှာ တိုင်းရင်းသားကိုယ်စားပြု အတိုက်အခံပါတီအဖြစ် ရပ်မယ်၊ ပြည်နယ်မှာလည်း အတိုက်အခံပါတီအဖြစ် ရပ်မယ်။

ကျွန်တော်တို့ ပြည်နယ်အနိုင်ရ လွှတ်တော်အမတ် ၂၃ ယောက် လွှတ်တော်မတက်ဘဲ သပိတ်မှောက်ရင် ပြည်နယ်လွှတ်တော် ခေါ်လို့တောင်ရမှာ မဟုတ်ဘူး၊ အဲဒါပဲ နိုင်ငံရေးဆိုတာ၊ ကျွန်တော်တို့က ဂိမ်းတစ်ခုကို ကစားနေကြတာပါ။ ပူးပေါင်းဆောင်ရွက်မှု လမ်းကြောင်းကို ကျွန်တော်တို့က လက်နှစ်ဖက်ဖွင့်ထားတယ်၊ ဘယ်ဘက်၊ ညာဘက်၊ ညာဘက်လက်သည် ရခိုင်ပြည်နယ်အစိုးရ ဖွဲ့စည်းရေးဆိုရင် ဘယ်ဘက်လက်သည် ပြည်ထောင်စုအစိုးရကို ဝိုင်းဝန်းပံ့ပိုးကူညီရေးဗျ။ ညာဘက်လက်သည် ပထမ ဦးစားပေး၊ ဘယ်ဘက်လက်သည် ဒုတိယ ဦးစားပေး၊ သူတို့ ပြည်ထောင်စုအစိုးရ ဖွဲ့မယ့်ပါတီက ဘယ်ဘယ်လက်ကို ကိုင်ပြီး ညာဘက်လက်ကို နင်းချေပစ်မယ် ဆိုတာမျိုးတော့ ကျွန်တော်တို့ရဲ့ ဦးတည်ချက် ရခိုင်အမျိုးသားပါတီရဲ့ ပြည်နယ်အစိုးရ ဖွဲ့စည်းရေး အာရုံစူးစိုက်မှုကို ဖြိုဖျက်ခြင်းလို့ ကျွန်တော်တို့ ယူဆတယ်။

ဒါတွေအတွက်ကို အခု ပြည်ထောင်စုအစိုးရဖွဲ့ဖို့ ကြိုးစားနေတဲ့ NLD ပါတီမှာ တာဝန်ရှိတယ်။ ပြည်နယ်အစိုးရ ဖွဲ့စည်းရေးဟာ ပြည်ထောင်စုအစိုးရ ဖွဲ့စည်းရေးအတွက် ချိတ်ဆက်မှုလို့ ယူဆလို့ရှိရင် ကျွန်တော်တို့နဲ့ တွေ့ဆုံဆွေးနွေး အဖြေရှာခြင်းဖြင့် ကျွန်တော်တို့ တွေ့ဆုံဆွေးနွေးရေး လမ်းကြောင်းကနေ တစ်ဆင့် သွားချင်တယ်။ ရခိုင်အမျိုးသားပါတီသည် ရခိုင်ပြည်နယ်မှာ အနိုင်ရဆုံးပါတီဆိုတာ သဘောပေါက်ပေးဖို့ လိုပါတယ်။

Voice : ဒီလိုမျိုး ကြေညာချက်ထုတ်ရတဲ့ အတွက် အကျိုးဆက်အနေနဲ့ ဘာတွေဆက်ဖြစ်လာနိုင်တယ်လို့ ခန့်မှန်းထားသလဲ။ အကောင်းအဆိုး ရလဒ်နှစ်ခု အတွက် ဘယ်လိုပြင်ဆင်ထားသလဲ ခင်ဗျ။

DR.AM : ရခိုင်ပြည်နယ်မှာ အစိုးရ ဖွဲ့စည်းဖို့အတွက်ကို ဦးညီပုကိုလွှတ်ပြီး စည်းရုံးခိုင်းတာ နှစ်ခါရှိပြီ။ အဲဒီလိုမျိုး သိသာစွာ လှုပ်ရှားလာတဲ့ အတွက်လည်း ကျွန်တော်တို့က ဒီလိုထုတ်ပြန်ရတာပဲလေ။ ဦးညီပု မလာရင် ကျွန်တော်တို့ ဘာမှမပြောဘူး၊ ကျွန်တော်တို့က အမျိုးသားဒီမိုကရေစီအဖွဲ့ချုပ်သည် ပြည်နယ်ရေးရာနဲ့ ပတ်သက်လို့ ခဏနောက်ဆုတ်ထားတယ်လို့ သုံးသပ်မှာပေါ့၊ အခုဟာက တရားဝင်ကို ဖိတ်ကြားပြီး စည်းရုံးတာ၊ NLD က ပြည်နယ်အစိုးရကို ဦးဆောင်ဖွဲ့မယ်လို့ စည်းရုံးတဲ့အပေါ်မှာ ကျွန်တော်တို့ဘက် ဒီလိုထုတ်ပြန်ကြေညာရတာကို ခင်ဗျားတို့က လွန်တယ်လို့ ထင်မလား။ ကျွန်တော်တို့ဘက်က တွေ့ဆုံဆွေးနွေးရေး လမ်းကြောင်းအတွက် ကြိုတင်ပြင်ဆင်ထားတာတောင်မှ အသိအမှတ်ပြု မခံရပါလား။

မြန်မာနိုင်ငံမှာရှိတဲ့ တိုင်းရင်းသားပါတီချင်း အတူတူကို တန်းတူအခွင့်အရေး ဆုံးရှုံးတယ်လို့ ကျွန်တော်တို့ ခံစားရတယ်ဆိုရင် ခင်ဗျားတို့ ကိုယ်ချင်းစာစိတ် ရှိမလား။ ရှိမရှိတော့ မပြောတတ်ဘူးပေါ့။ သို့သော် ကျွန်တော်တို့ဟာ အနိုင်ရ လွှတ်တော်အမတ်တွေထဲမှာ တတိယ အင်အားအကြီးဆုံးပါတီ ဖြစ်တယ်၊ ဒါလေးကို အသိအမှတ်ပြုဖို့ဆိုတာ အဓိက အများစု အနိုင်ရပါတီကြီးမှာ တာဝန်မရှိဘူးလားဗျာ။

အဲဒီအခါမှာ ကျွန်တော်တို့ ရပ်တည်ချက်ကို အများပြည်သူသိအောင် ထုတ်ပြန်ရမယ်။ အထူးသဖြင့် NLD ပါတီက စီမံခန့်ခွဲပိုင်ခွင့်ရှိတဲ့ ထိပ်ပိုင်းပုဂ္ဂိုလ်တွေ သိအောင် ကြေညာရတယ်။ ဒီလိုလုပ်လိုက်တဲ့ အတွက် နှစ်ခုဖြစ်လာနိုင်တယ်၊ တွေ့ဆုံရေးလမ်းကြောင်း ပွင့်လာနိုင်တယ်။ နောက်တစ်ခု ပိတ်သွားနိုင်တယ်။ လမ်းပွင့်ရင်တော့ ကျွန်တော်တို့ အောင်မြင်တယ်။ လမ်းပိတ်သွားရင်တော့ ဒါသမိုင်းပဲ။ သမိုင်းတရားခံဟာ ရခိုင်အမျိုးသားပါတီလား၊ အမျိုးသားဒီမိုကရေစီအဖွဲ့ချုပ်လား ဆိုတာကို ၂၀၁၆ ကနေ ၂၀၂၀ ကို ဖြတ်သန်းတဲ့အခါ မှာ လူထုကပဲ အဆုံးအဖြတ် ပေးသွားမှာပါ။

Voice : ဟုတ်ကဲ့ ဘာများဖြည့်စွက်ပြောလိုပါသလဲ ခင်ဗျ။

DR.AM : ကျွန်တော်တို့ လိုအပ်လို့ ဒီကြေညာချက်ကို ထုတ်တာပါ။ ဗိုလ်ချုပ်မှူးကြီးဟောင်း ဦးသန်းရွှေနဲ့တွေ့တယ် အင်မတန် ကြိုဆိုတယ်၊ ဒါ နောက်ကြောင်းပြန်မသွားချင်ဘူး ရင်ကြားစေ့စေချင်တယ်၊ ဒါ ကျွန်တော်တို့ ရင်ထဲက ဆန္ဒပါ၊ အာဃာတတရားတွေကို သင်ပုန်းချေစေချင်တယ်၊ ဗိုလ်ချုပ်ကြီးဟောင်း သူရဦးရွှေမန်းရဲ့ ကြားဝင်ညှိနှိုင်း ဆွေးနွေးတာကိုလည်း ကျေးဇူးတင်တယ်။ ဒေါ်အောင်ဆန်းစုကြည်နဲ့ ဦးသိန်းစိန်၊ ဗိုလ်ချုပ်မှူးကြီး မင်းအောင်လှိုင် တွေ့တယ် အင်မတန်ကြိုဆိုတယ်။

ဒီလိုပဲ တိုင်းရင်းသားပါတီလေးတွေ အပေါ်မှာလည်း အသိအမှတ်ပြုစေချင်တယ်။ လုပ်ဖော်ကိုင်ဖက် ဒီမိုကရေစီရဲ့မိတ်ဖက် ဖြစ်စေချင်တယ်။ ပြည်ခိုင်ဖြိုးပါတီရဲ့အောက်မှာ ရခိုင်တိုင်းရင်းသားတွေ ရှိမှာပေါ့ဗျာ။ ဒီိလိုပဲ အမျိုးသားဒီမိုကရေစီအဖွဲ့ချုပ်ရဲ့ ပါတီဝင် ရခိုင်၊ ချင်း၊ ကရင် အစရှိသဖြင့် တိုင်းရင်းသားတွေ ရှိမှာပေါ့။ ဒါပေမဲ့ ကိုယ့်ပါတီဝင် ရခိုင်နဲ့ အမျိုးသားဒီမိုကရေစီအဖွဲ့ချုပ် ပါတီဝင် ရခိုင်နဲ့ ဦးတည်ချက်၊ ခံယူချက် မတူနိုင်ဘူး၊ အသွင်မတူနိုင်ဘူး။ ပြည်ထောင်စု အစိုးရအဖွဲ့ကို ဖွဲ့စည်းဖို့ ဦးစားပေး ကြိုးစားတဲ့ ပါတီကြီးနဲ့ ပြည်နယ်အစိုးရ ဖွဲ့စည်းရေး ဦးစားပေးတဲ့ တိုင်းရင်းသားပါတီတွေရဲ့ နိုင်ငံရေး ချဉ်းကပ်ပုံချင်း မတူနိုင်ဘူး၊ ဒီလိုမတူနိုင်ခြင်းကပဲ ပြည်ထောင်စုရဲ့ အားပေါ့ဗျာ။

ကျွန်တော်တို့ဟာ ၆၈ နှစ်ရှိပြီ၊ ဖဆပလအောက်မှာလည်း ရခိုင်အမတ်တွေ ဝင်ခဲ့ပြီးပြီ၊ မဆလအောက်မှာလည်း နေခဲ့ပြီးပြီ။ နဝတ၊ နအဖလက်အောက်မှာလည်း ကြံ့ခိုင်ရေးအသင်းလို တည်ဆောက်တဲ့ ပုံစံလေးတွေထဲမှာ ပါခဲ့ပြီးပြီ။ ကျွန်တော်တို့ဘဝဟာ ရှင်ကြီးဝမ်းရော၊ ရှင်ငယ်ဝမ်းလည်း နေပြီးပြီ။ ဘာထူးလဲ။ အားလုံးရဲ့ဇာစ်မြစ်ကို ရှာဖို့လိုပါတယ်၊ ရှင်ကြီးဝမ်း ရှင်ငယ်ဝမ်း နေခဲ့ဖူးတဲ့ တိုင်းရင်းသား လူမျိုးတွေကို စာနာနားလည်သင့်နေပါပြီ။

အဲဒါကြောင့် အသွင်မတူတဲ့ သူရဲ့အမျိုးသားရေး လက္ခဏာတွေအရ အမျိုးမျိုးကွဲပြားနေတဲ့ နိုင်ငံရေးပါတီလေးတွေရဲ့ တန်းတူအခွင့်အရေးတွေကို အသိအမှတ်ပြုပေးဖို့ လိုမယ်၊ ပေးသင့်တဲ့ ဟာလေးတွေကို ပေးဖို့လိုမယ်။


https://www.facebook.com/photo.php?fbid=1766278170252002&set=a.1557575457788942.1073741828.100006095086729&type=3&theater