လက်ငါးချောင်းမှ လက်သီးတစ်လုံး

 

ရက္ခိုင်မြီမှ ခမီ၊ မြို၊ မရမာကြီး ၊ရက္ခိုင်၊သက်၊ သက္ကမ-ဒိုင်းနက်၊ ချင်းလူမျိုးစုတိသည် ရက္ခိုင်ဌာနီလူမျိုးစုတိ ဖြိုက်ကတ်ပါရေ။ ရက္ခိုင်မြီသည် ထိုဌာနီလူမျိုးစုတိအပေါ်မှာ အလွန် ကျေးဇူးများရေ ဘုံမိနက်သန် မြီနီရာလေ့ ဖြိုက်ပါရေ။

ဇာကြောင့်လေ့ဆိုကေ ရက္ခိုင်မြီက ရခိုင်ဌာနီလူမျိုးစု ခမီ၊ မြို၊ မရမာကြီး၊ ရက္ခိုင်၊ သက်၊ သက္ကမ-ဒိုင်းနက်၊ ချင်းလူမျိုးစုတိသည် ရက္ခိုင်ပြေမာမွီး၊ ရက္ခိုင်မြီက ထွက်ရေ အစာအဟာရတိကို စားသောက်ဗျာလ် လူလားမြောက် ကြီးပြင်းလာ ကတ်တေသူတိ ဖြိုက်ကတ်လို့ပါ။ ယင်းပိုင်၎င်း ထိုလူမျိုးစုတိဧ့ အဖိုး အဖီး အမိအဖ အပေါ်မာလေ့ ရက္ခိုင်မြီသည် အလွန်ကျေးဇူးဟိခဖူးရေ ဇာတိချက်ကြွီ မွီးရပ်မြီဖြိုက်ကတ်ပါရေ။။ အေလောက်ကျေးဇူးများရေ ရက္ခိုင်မြီ ကို ကျေးဇူးဆပ်ဖို့ တာဝန်သည် အေနိ့ မျိုးဆက် သစ် ရက္ခိုင် ဌာနီ လူမျိုးစုတိ အားလုံးဧ့ သမိုင်းပီး တာဝန်ဖြိုက်တေအတွက်နန့် အိုးတန်ဆန်ခပ် ကိုယ်နို်င်ရေ ကာယစွမ်းအား၊ ဥာဏ စွမ်အား၊ ၀တ္ထုစွမ်းအားတိနာင့် အားလုံး ၀ိုင်းဝန်းပါဝင်ကူညီပီးကတ်ဖို့ ရရိုးသသားချေ တိုက်တွန်းအပ်ပါရေ။ နှိုးဆော် အပ် ပါရေ။

အေနိ့ ရက္ခိုင်မြီသည် စစ်ဖီးစစ်ဒဏ်ကြောင့် ရက္ခိုင်ဌာနီလူမျိုးစုညီအ ကိုမောင်နှမတိသည် အိုးအိမ်စွန့်ခွါ၊ မချိကိုယ်နွမ်း အားအင်ခမ်းဗျာလ် ၊ ပင်ပန်း ရုပ်သွင် ၊ အပူဝင်၍ ၊ သောကကို ရင်မှာပိုက်ကာ ခိုကိုးရာမဲ့ ကယ်သူမဲ့ ဘ၀ ကို ရောက်ဟိခံစားနိန် ကတ်ရပါရေ အမျိုးရို့ ။ အေအခြီအနီဆိုးထဲ ရုန်း ထွက်နို င်ဖို့ သည် ရက္ခိုင်ဌာနီ လူမျိုးစု ညီအကိုမောင်နှမတိအားလုံး စစည်းလလုံး ညညီ ညညွတ် နန့် အမျိုးသားရေး တာဝန် အဖြိုက် ခံယူကာ ပူးပေါင်းလုပ် ကိုင်နိုင် ကတ်ဖို့ ဆိုကေ အေနိန်တွိကြုံနိန်ရေ ခါးသီးလှ သော ဘ၀နာင့် ၊ မျက်ရည်မခမ်း သိမ့်ရေ အငိုမျက်လုံးတိသည် အပြုံးမျက်နှာပိုင်ရှင်တိ ဖြိုက်လားပါလိမ့်မေ။

ယင်းအတွက်နန့် ရက္ခိုင်ပြည်ပြင်ပကို အကြောင်းအမျိုးမျိုးကြောင့် ရောက်ဟိ နိန် ကတ် ရခိုင်ဌာနီလူမျိုးစုတိဖြိုက်သော ခမီ၊ မြို၊ မရမာကြီး၊ ရက္ခိုင်၊ သက်၊ သက္ကမ-ဒိုင်းနက် ၊ ချင်း လူမျိုးတိသည် ရောက်ရာအရပ်က နိန်ဗနာ ကိုယ့် ရက္ခိုင်ပြည်က ဒုက္ခရောက်နိန်ကတ်တေ ညီအကိုမောင်နှမတိအတွက် အိုးတန် ဆန်ခတ် နိုင်သလောက်စွမ်းအားများဖြင့် ကူညီပီးကတ်ပါလို့ အနာဂတ် ရက္ခိုင်ပြည်အရေးကို မျော်ကိုး၍ တိုက်တွန်းအပ်ပါရေ အမျိုးရို့ ………..

ဓါတ်ပုံ ဘူးသီးတောင်စစ်ဖီးရှောင် စခန်းတစ်ခုမြင်ကွင်း၊

ပုဏ်ဏားကျွန်းမြို့ စစ်ဘေးဒုက္ခသည်များစာရင်း