လွန်ခဲ့သောနှစ်ပေါင်း ၂၀၀၀ ခန့်အခါက မြန်မာနိုင်ငံအတွင်းကို ရောက်ရှိနေထိုင်ခဲ့တဲ့ မွန်၊ ပလောင်၊ ဝထက်စောတဲ့ ရှေ့ပြေး လူမျိုး တမျိုး နီဂရစ်တို တို့ နေ ထိုင်ခဲ့တယ်လို့ဆိုတယ်။
မွန်လူမျိုးတွေ ၀င်ရောက် အခြေချလာတဲ့အခါ နီဂရစ်တိုလူမျိုးများတောင်ဘက်ကိုပြောင်းရွေ့နေထိုင်ခဲ့ဟန်တူတယ်လို့ဆိုတယ်။
ဘီလူးကျွန်းဒေသမှာနီဂရစ်တို အနွယ်ဝင် စမင်း( ဆေးမန်း)လူမျိုးများနေထိုင်ခဲ့ပြီးမော်မြိုင် တဘက်ကမ်းဘီးလူးကျွန်းကို မွန်အခေါ်တကော့ခမိုင်း လို့ခေါ်တယ်။ တကော့= ကျွန်း လို့အဓိပ္ပါလ်ရပြီး
ခမိုင်းဆိုတာမူလ အသံထွက်( စမောင်) ( စမင်း) ဖြစ်တယ်။ ရှေးမွန်စာရှင်မွေ့နွန်းမင်းနန္ဒာ ပျို့မှာ ခမိုင်းကို အကိုင်းခက်များတဲ့သစ်ပင်လို့ဆိုတယ်။တကော့သမိုင်းရေးရာကနေ တကော့ခမိုင်းလို့ပြောင်းလဲခဲ့တယ်။
အဲဒီခေတ်က စမောင် (သို့) စမင်း ( semang) လူမျိုးတို့ဟာအ၀တ်စားမ၀တ်နှုတ်ခမ်းထူပြီး အသားမဲ ဆံကောက် ၊ ရေကူးကျွမ်းကျင်ပြီးခက်ထန်ကြမ်းကြုတ်တဲ့လူမျိုးများဖြစ်လို့ ဘီလူးသဘက်နဲ့တူလို့ စမင်းတို့နေတဲ့ကျွန်းကို ယက္ခကျွန်း သို့ဘီလူးကျွန်းလို့ခေါ်ခဲ့ဟန်တူတယ် လို့ယူဆကြတယ်။ စမင်းလူမျိုးတွေကို အခု မာလာယုကျွန်းမှာ တွေ့နိုင်တယ်။
သူတို့လက်ရှိသုံးနေတဲ့စကားတွေမှာ ရှေးမွန်စကားနဲ့တူတဲ့အသုံးနုံးဝေါဟာရတွေ အများကြိးရှိတယ်။ ဒါ့ကြောင့် ရှေးခေတ် ရေဘီးလူးများရန်ကို မွန်တို့ဟာပရိတ်တော် များရွတ်ဖတ်ပြီး နှင်ထုတ်ခဲ့ရတာ စမင်းကိုဆိုလိုဟန်တူတယ်လို့ရှေးဟောင်းသုတေသနရှင်ဒေါက်တာ ဂျီအေဂရိအာဆင်က အိန္ဒ ယနိုင်ငံ ဘာသန္တရ လေ့လာခြင်းစစ်တန်းဆိုတဲ့စာအုပ်မှာဖေါ်ပြထားတယ်လို့ဆိုတယ်။ သုဝဏ္ဏဘူမိနှင့် ပတ် သက်စပ်လျဉ်းပြီး ခေါမပထဝီရှင် တော်လမီက၊ “ ဗေင်စင်ဂ”ဟုခေါ်သော မုတ္တမ ပင်လယ်ကွေ့
ကမ်း ရိုးတန်းတလျှောက်မှာ အရပ်ပုပြီး ကြံ့ခိုင်တဲ့ လူကြမ်းများ နေထိုင်ကြတယ်။ သူတို့ဟာ မူရင်း တိုင်းရင်းသားဖြစ်တဲ့ သြစ တြိုနီးရှင်းများ၊ မြန်မာစာပေလောကမှာ ဘီးလူးလို့ ခေါ်တဲ့ လူများ ဖြစ်တန်ရာတယ်။
မွန်၊ ခမာ အနွယ်စုတို့ ရောက်လာတဲ့ အခါ မခုခံနိုင်ဘဲ စမင်းတွေဟာပင်လယ်ရှိကျွန်းများ ပေါ်ကို ဆုတ်ခွာသွားခဲ့ရတယ်လို့ရေးထားတယ်။ဘီလူးကျွန်းဒေသ ကနေ စမင်း လူမျိုးတွေ ဘယ်ချိန်ကပျောက်ကွယ်သွားတယ်ဆိုတာ မဖေါ်ပြထားဘူး။ ဘီလူးကျွန်းဒေသဟာ မုတ္တမနဲ့နီးသလို
မော်လမြိုင်နဲ့လဲနီးလို့ မုတ္တမ စည်ကားတဲ့ခေတ်မှာ ဖွံ့ဖြိုးတိုးတက်ခဲ့ပုံရတယ်။ အခု ပုံမှာ ပြထားတဲ့ ငွေ ပြား အချို့ကို အခြားမွန်ဒေသမှာ မတွေ့သလောက်ရှားမယ်ထင်တယ်။ ငွေ ပြား တစ်ဘက်မှာ ဟင်္သာ ပုံခေတ်နှိပ်
ထားပြီးတဘက်မှာတော့ ဘာမှမပါဘူး။ ငွေ ကြေးအဖြစ်သုံးခဲ့သလား။
အမှတ်တံဆိပ် အဆောင်ဘဲသုံးခဲ့သလားဆိုတာနိုင်ခင်မောင်လေးကို မေးကြည့်တော့ ပိုက်ဆံနဲ့တူတယ် လို့ထင်မြင်ချက်ပေးပါတယ်။ ဒေါက်တာမက်ဟလိုကတော့ မွန်လူမျိုးတွေ သုံးခဲ့တဲ့ပိုက်ဆံလို့မထင်ဘူး လို့ဆိုပါတယ်။ငွေပြားက အတော်လေးထူပြီး ဟင်္သာအစာချီ နေတဲ့ ပုံခတ်နှိပ်ထားတယ်။ အများပြား မတွေ့ရသေးတော့ ဘာအတွက် သုံးခဲ့တယ်မဆိုနိုင်ပေမဲ့မွန်ဒေသတွင်းမှာ ဟင်္သာ အမှတ်သားတွေ ကို အမြတ်တနိုးသုံးခဲ့ကြတဲ့အထောက်ထား တစ်ခုဆိုတာ ကတော့ သေချာပါတယ်။
( ၄. ၁၂. ၂၀၁၃ )
Source: by မွန်တို့ဌာနေ ရာမည
No comments:
Post a Comment