ရခိုင်ရိုးရာ ဒိုးကစားခြင်းကို ရခိုင်အမျိုးသမီးငယ်များ၊ အပျိုအရွယ်များက အထူးနှစ်သက်ကြသည်။ လသာသောညများတွင်လည်းကောင်း၊ နေ့လည်နေ့ခင်း အားလပ်ချိန်များတွင်လည်းကောင်း အုပ်စုဖွဲ့ကာ တစ်ဘက်နှင့်တစ်ဘက် ယှဉ်ပြိုင်ကစားကြသည်။ အသက်အရွယ်ကြီးပြီး အတွေ့အကြုံရှိသည့် အမျိုးသမီးကို အုပ်စုခေါင်းဆောင် (ဂေါင်လူကြီး) အဖြစ် ထားကြသည်။ ကျန်းမာရေးအတွက်သာမက အချင်းချင်း စည်းလုံး ညီညွတ်ရေးကိုလည်း ဖြစ်ပေါ်စေသည်။ ဒိုးကစားခြင်းကို ပထမဆုံး "ညှို့မေ"ဖြင့် စ,ရသည်။
ညှို့မေ။ ။ မိမိ၏ပစ်ဒိုးကို လက်ဖြင့်လှိမ့်၍ လွှတ်ပြီး သတ်မှတ်သော စည်းကို မကျော်မီ မိမိပစ်၍ ထိနိုင် မည့် နေရာတွင် ဖမ်း၍ ထောင်ဒိုးအား ထိအောင်ပစ်ရသည်။
ဖူးမှုတ်တောက်တဲ့။ ။ ဒိုးကိုပါးစပ်ထဲက "ဖူး"ဟု မှုတ်ပြီး လွှတ်လိုက်၍ ကျသည့်နေရမှ လုံးဝမရွေ့စေ ဘဲ ထောင်ဒိုးကိုထိအောင် ပစ်ရသည်။
ဆင်ခြေလှမ်း။ ။ ဆင်ခြေလှမ်းတာမှနေ၍ ညာဘက်ခြေဖမိုးပေါ်တွင် ဒိုးကိုတင်ပြီး ဘယ်ဘက်ခြေဖြင့် တစ်လှမ်းလှမ်းကာ ညာခြေထောက်လွှဲ၍ ပစ်ရသည်။
လျှပ်ထိုး။ ။ ဒိုးကိုခြေဖျားလေးများ အောက်၌ထား၍ အပြားလိုက်ဖိညှပ်ကာ ကျန်ခြေတစ်ဘက် မြှောက်ပြီး လျှင်၊ လျှပ်တိုက်၍ သွားရသည်။ ထိုသို့သွားရန် တာမှစ၍ ထောင်ဒိုးကို သုံးပတ်စေ့အောင် ပတ်ရသည်။ အကယ်၍ ဒိုးသည် ခြေဖ၀ါးအောက်သို့လျှော၍ ၀င်သွားပါက "သေသည်"ဟု ယူဆ၍ "အပိုင်"ဟု ခေါ်သည်။
