ဒင်္ဂါးခပ်နှိပ်ရန် (မို) ပုံစံခွက်လုပ်သည့် မိုဆရာ အမှားလုပ်ခဲ့မိသော ရခိုင်ဝေသာလီခေတ် ဒင်္ဂါးသုံးပြား ရှင်းလင်းချက်

==================================

ဖော်ပြဒင်္ဂါးသုံးပြားသည် ဒင်္ဂါးခပ်နှိပ်ရန် ပုံစံခွက် (Mould) ပြုသည့်အခါ မှားယွင်းခဲ့သော ဒင်္ဂါးပြား များဖြစ်ကြသည်။ မည်သည့်နေရာ၊ မည်သည့်အမှတ်အသားများက မှားသနည်းဟူမူကား ဒင်္ဂါးတွင်ရေးထိုးပါရှိသော မင်း အမည် စာလုံးများနှင့် ဒေသအမည်ကိုရေးထိုးထားသော စာလုံးများ မှားနေကြခြင်း ဖြစ်သည်။ 

 

အမှတ်စဉ်(၁) ဒင်္ဂါးရှင်းလင်းချက်။

*****************************

အမှတ်စဉ်(၁) ဒင်္ဂါး၏ နွားလားဥဿဘ လည်ပင်းတွင် ပုတီးကုံး ပါရှိပြီး၊ နွားလား၏အမြီးမှာ အောက်သို့ ချထားသည်။ ထိုသို့ နွားလားဥဿဘ လည်ပင်းတွင် ပုတီးကုံး ပါရှိပြီး၊ အမြီးအောက်သို့ချထားသော ဒင်္ဂါးများကို အာနန္ဒစန္ဒြမင်းကျောက်စာပါ ဒုတိယမင်းဆက်မှ ဒွေစန္ဒြမင်းအစ ဓရတိစန္ဒြမင်းအဆုံး မင်း(၁၃)ပါး တို့ခပ်နှိပ် ထုတ်လုပ်သုံးစွဲခဲ့ကြသည်။

အမှတ်စဉ်(၁) ဒင်္ဂါးတွင် ရေးထိုးပါရှိသော အက္ခရာစာလုံးများမှာ ( န္ဒြ > စ > မိ> ဘူ ) ဖြစ်သည်။ ဒင်္ဂါးပါ ( န္ဒြစတိဘူ ) မင်းအမည်သည် ရခိုင်ဝေသာလီ မင်းဆက်တွင် မပါရှိပေ။ သို့သော်လည်း ဒင်္ဂါးပါ အမှတ်အသား သင်္ကေတ လက္ခဏာများသည် အာနန္ဒစန္ဒြမင်းကျောက်စာပါ ဒုတိယမင်း ဆက်မှ ဒင်္ဂါးပါ အမှတ်အသားများနှင့် တူညီ နေကြသည်။ ဒုတိယမင်းဆက်တွင် ဒင်္ဂါးပါ မင်းအမည် ( န္ဒြစမိဘူ) ဟူသော မင်းအမည်မပါရှိပေ။

ဒင်္ဂါးပါ ( န္ဒြ > စ > မိ> ဘူ ) စာလုံးများကို လက်ဝဲမှ လက်ယာသို့ အစဉ်အသင့် မဖတ်ဘဲ၊ လက်ယာမှ လက်ဝဲသို့ ပြောင်းပြန် ဖတ် သောအခါ (ဘူ>မိ>စ > န္ဒြ ) ဘူမိစန္ဒြ ဖြစ်နေသည်။ (ပုံ-၁)

အခြားသော ဘူမိစန္ဒြမင်း ဒင်္ဂါးများ၌လည်း (ဘူမိစန္ဒြ) ဟူ၍သာ ရေးထိုး ပါရှိကြသည် ။ ဘူမိစန္ဒြမင်းအမည်ကို အာနန္ဒစန္ဒြမင်ကျောက်စာ ကြောင်းရေ (၂၄-၂၅) ၊ဂါထာအမှတ် (၂၆ )တွင်ရေးထိုးပါရှိသည်။ ထိုဘူမိစန္ဒြမင်းသည် စန္ဒြဗ္ဒုမင်းကို ဆက်ခံသောမင်းတစ်ပါးဖြစ်ပြီး ၊ ရခိုင်ဝေသာလီကို (အေဒီ ၄၀၉ မှ ၄၁၆) အထိ ခုနစ်နှစ်တိုင်အောင် စိုးစံအုပ်ချုပ်ခဲ့သောမင်းဖြစ်သည်။

ဒင်္ဂါးခပ်နှိပ်ရန် ပုံစံခွက်ပြုလုပ်သည့်အခါ စာလုံးများအသင့်ပေါ်ရန် ရေးရာ၌ အစ စာလုံးကို လက်ယာဘက်အစွန်မှ အစပြုပြီး လက်ဝဲသို့ ပြောင်းပြန်ရေးသားကြရသည်။ သို့မှသာ ခပ်နှိပ်လိုက်သောအခါ လက်ဝဲမှ လက်ယာသို့ စီတန်း၍ အသင့်ပေါ်မည်ဖြစ်သည်။

ဥပမာ - ပုံစံခွက်၌ “ပှွးေခ” ရေးလျှင် ယင်းပုံစံခွက်ကို ရိုက်လိုက်သည့်အခါ “ခွေးပု” ဟု အသင့်ပေါ်မည်ဟု ဆိုလိုခြင်းဖြစ်သည်။။

အမှတ်စဉ်(၁) ဒင်္ဂါးပါ စာလုံးများ(၀ါ) မင်းအမည်ကို ပုံစံခွက် ပြုလုပ်သူဆရာသည် အစစာလုံးဖြစ်သော (ဘူ)ကို လက်ယာဘက်မှ စတင်မရေးဘဲ လက်ဝဲဘက်မှ စတင်ရေးလိုက်မိသောကြောင့် ယင်းဒင်္ဂါးပုံစံခွက်ကို ရိုက်နှိပ် လိုက်သည့်အခါ (ဘူ) စာလုံးသည် အစစာလုံးအဖြစ်မပေါ်တော့ဘဲ အဆုံးမှ စာလုံးဖြစ်သွားသည်။ အခြားသော စာလုံးများသည်လည်း (ဘူ) စာလုံးနောက် အစဉ်လိုက်သောကြောင့် ဒင်္ဂါးတွင် (န္ဒြစမိဘူ) ဟူ၍ ဖြစ်ပေါ်သွားရခြင်း ဖြစ်ပေသည်။

ထို့ကြောင့် အမှတ်စဉ်(၁) ဒင်္ဂါး၌ ( န္ဒြစတိဘူ ) ဖြစ်နေခြင်းမှာ ဒင်္ဂါးပုံစံခွက် (Mould) ပြုလုပ်သူ ဆရာ၏ မှားယွင်းချက်ဖြစ်ကြောင်း တပ်အပ်သေချာ ပြောနိုင်ခြင်းဖြစ်သည်။ တိတိကျကျ ပြောရလျှင် ဤ မိုဆရာ၏ အမှားသည် လွန်ခဲ့သော နှစ်ပေါင်း ၁၆၁၂ နှစ် အမှားဖြစ်သည်။

 

အမှတ်စဉ် (၂) ဒင်္ဂါး ရှင်းလင်းချက်

*************************

 

 

အမှတ်စဉ်(၂) ဒင်္ဂါး၌လည်း နွားလားဥဿဘ လည်ပင်းတွင် ပုတီးကုံး ပါရှိပြီး၊ နွားလား၏အမြီးမှာ အောက်သို့ ထားသည့် ဒင်္ဂါးဖြစ်ကြောင့် အာနန္ဒစန္ဒြမင်းကျောက်စာပါ ဒုတိယမင်းဆက်မှ ခပ်နှိပ်ခဲ့သော ဒင်္ဂါးဖြစ်သည်။

အမှတ်စဉ်(၂) ဒင်္ဂါးတွင် ရေးထိုးပါရှိသော အက္ခရာစာလုံးများမှာ ( ဘ မ စ န္ဒြ ) ဖြစ်သည်။ ဒင်္ဂါးပါ ( ဘ မ စ န္ဒြ ) မင်းအမည်မှာ ရခိုင်ဝေသာလီမင်း ဆက်တွင် မပါရှိပေ။ သို့သော်လည်း ဒင်္ဂါးပါ အမှတ်အသား သင်္ကေ တ များသည် အာနန္ဒစန္ဒြမင်းကျောက်စာပါ ဒုတိယမင်းဆက်မှ ဒင်္ဂါးပါ အမှတ် အသားသင်္ကေတများနှင့် တူညီ ကြသည်။ ဒုတိယမင်းဆက်တွင် ဒင်္ဂါးပါမင်းအမည် ( ဘမစန္ဒြ ) ဟူသော မင်းအမည် မပါရှိပေ။ ယင်းအပြင် ပထမမင်းဆက်၊ တတိယမင်းဆက်တွင်လည်း (ဘမစန္ဒြ) ဟူ၍ မပါရှိပေ။

ဒင်္ဂါးပါ ( ဘမစန္ဒြ ) စာလုံးများနှင့် အလားတူ အက္ခရာများဖြစ်သော မင်းတစ်ပါးအမည်မှာ အာနန္ဒစန္ဒြကျောက်ပါ ( ဘူမိစန္ဒြ) ဖြစ်သည်။ ထို့ကြောင့် အမှတ်စဉ် (ပုံ-၂)ဒင်္ဂါးကို ခပ်နှိပ်ရန် ပြုလုပ်သည့် ပုံစံခွက်(မို )ဆရာသည် ဒင်္ဂါးတွင် (ဘူမိစန္ဒြ) ကိုရေးထိုးသည့်အခါ (ဘ) စာလုံးတွင် (-ူ) နှစ်ချောင်းငင်ရေးရန် ကျန်ခဲ့ပြီး၊ (မိ) စာလုံးကို ရေးသည့်အခါ (-ိ) လုံးတင်စာလုံး ရေးရန် ကျန်ခဲ့သည်။ ထို့ကြောင့် (ဘမစန္ဒြ) ဖြစ်နေ ရခြင်း ဖြစ်သည်။ ဒင်္ဂါးခပ်နှိပ်သည့်အခါ ရိုက်ချက်မမှန်၍ မပေါ်ခြင်းဖြစ်ကြောင်း ပြောရန်မှာလည်း ခက်ခဲသည်။ အကြောင်းမှာ စာလုံးများသည် ထင်ရှားစွာပေါ်လွင်နေသောကြောင့်ဖြစ်သည်။

ယင်းအပြင် (ဘမစန္ဒြ) စာလုံး များကို ရေးရာတွင် (မ) စာလုံးသည် ပြုန်းကနဲ့ ကြည့်လျှင် (ယ) စာလုံးလို ဖြစ်နေသည်ဟု ယူဆ နိုင်သည်။ ထိုစာလုံးသည် (ယ) စာလုံးမဟုတ်ဘဲ၊ လက်ရေးကြမ်း လက်ရေးဆိုးခြင်းကြောင့် ယင်းသို့ ဖြစ်နေရခြင်း သာဖြစ်သည်။

ထို့ကြောင့် အမှတ်စဉ်(၂)ဒင်္ဂါးတွင် ရေးထိုးပါရှိသော (ဘမစန္ဒြ) မင်းအမည်မှာ (ဘူမိစန္ဒြ) မင်းအမည်ကို ရေးထိုးခြင်းဖြစ်ကြောင်းသိနိုင်လေသည်။ (ပုံ-၂)

 

အမှတ်စဉ်(၃) ဒင်္ဂါးရှင်းလင်းချက်။

************************

 

 

 

အမှတ်စဉ်(၃) ဒင်္ဂါးပြားသည် ရခိုင်ဝေသာလီအနောက်ဘုရင်ခံ ဒင်္ဂးပြားဖြစ်သည်။ ရခိုင်ဝေသာလီခေတ် အနောက်ဘုရင်ဒင်္ဂါးများကို များသောအားဖြင့် ယခုဘင်္ဂါးလားနိုင်ငံ၊ ဟရိကေဠ၊ ဆမတတ၊ မီနာမိတိ ၊ စစ်တကောင်း၊ ဒက္ကား၊ ကိုမီလာ၊ သျှီလတ် ဒေသများတွင် တွေ့ရှိရသည်။ အိန္ဒိယနိုင်ငံ တြိပူရပြည်နယ် တွင်လည်း အများအပြားတွေ့ရသည်။ အနောက်ဘုရင်ခံ ဒင်္ဂါးအကြောင်းကို အကြောင်းသင့်သည့်အခါ ရှင်းလင်းဖော်ပြသွားပါမည်။ ဤပိုစ့်တွင် မဖော်ပြတော့ပေ။

အမှတ်စဉ်(၃) ဒဂ်ါးတွင် နွားလားဥဿဘလည်ပင်း၌ ပုတီးကုံးမပါချေ။ နွားအမြီးမှာလည်း ရခိုင်ဝေသာလီဒင်္ဂါးများကဲ့သို့ အောက်သို့ချထားသည့် အနေအထားမဟုတ်ဘဲ၊ အပေါ်သို့ ထောင်နေသော ပုံစံခပ်နှိပ်ထားသည်။ ရေးထိုးပါရှိသည့် စာမှာ ( ဟကေရိဠ) ဟူ၍ ဖြစ်သည်။

ဤသို့သော အနောက်ဘုရင်ခံဒင်္ဂါးပေါင်းမြောက်များစွာတွင် “ဟရိကေဠ” ဟူ၍သာ ရေးထိုးပါရှိသည်။ ဟရိကေဠ ဆိုသည်မှာ ရခိုင်ဝေသာလီခေတ်က စစ်တကောင်း ပတ်ဝန်းကျင် နယ်မြေကို ခေါ်ဝေါ်သော ဒေသအမည်ဖြစ်သည်။ ယခုအမှတ်စဉ်(၃) ဒင်္ဂါးတွင် ရေးထိုးထားသည်မှာ (ဟကေရိဠ) ဖြစ်နေသည်။ (ကေ)စာလုံးနေရာနှင့် (ရိ)စာလုံးနေရာတို့သည် ပြောင်းပြန်ဖြစ်နေကြသည်။ (ပုံ-၃)

 

 

 

အမှတ်စဉ် (၃) ဒင်္ဂါးပြား ပုံစံခွက် မို လုပ်သူသည် ဒင်္ဂါးတွင် ရေးထိုးသည့် (ဟရိကေဠ) ဟူသော စာလုံးကို ရေးရာ၌ (ကေ)စာလုံးနှင့် (ရိ) ကို နေရာ ပြောင်းပြန်ရေးးမိခြင်း ဖြစ်သွားသည့် ဒင်္ဂါးပြားဖြစ်သည်။

သို့ဖြစ်၍ အမှတ်စဉ်(၃) ဒင်္ဂါးသည် ဒင်္ဂါးပုံစံခွက် လုပ်သူ မိုဆရာ၏ အမှားဖြစ်ကြောင်း သိနိုင်သည်။ 

 

 

အမှတ်စဉ်(၃) မို အမှား ( ဟကေရိဠ )ဒင်္ဂါး နှင့် အခြား မိုအမှန် (ဟရိကေဠ) စာအမှန်ရေးထိုးထားသော ဒင်္ဂါးများနှင့် နှိုင်းယှဉ် တိုက်ဆိုင် ကြည့်ရှုနိုင်စေရန် ဖော်ပြလိုက်သည်။ (ပုံ-၄)

 

 

အမှတ်စဉ်(၁-၂) (မို အမှား) ဘူမိစန္ဒြဒင်္ဂါးနှင့် (မို အမှန် )ဘူမိစန္ဒြဒင်္ဂါးများကို နှိုင်းယှဉ်ကြည့်နိုင်ရန်လည်း တင်ပြလိုက်သည်။ (ပုံ -၅)

 

 

 

မောင်ဖြူ (ကြွီတဲကျွန်း)

16.6.2021